İsrael räsmiläre, fälestinnärneñ Hamas suğışçılarınıñ citäkçelärenä qarşı höcümnär däwam itäçäk, dip belderde. Saqlanu ministrı Şaul Mofaz, Hamasqa qarşı çaralar İsrael xalqına kübräk iminlek biräçäk, dide. Kiçä Mofaz İsraelneñ iminlek räsmiläre belän oçraşıp fälestin suğışçılarına qarşı köräş plannarı turında söyläşte.
İsrael xärbi köçläre başlığı Moşe Yaalon, kiçä Hamas yulbaşçısı Ahmed Yassinnı üterüne – terrorçılar törkemeneñ "başın kisü" dip atadı: "Bez, terror çeltäreneñ "başın kisü" terrorğa qarşı suğıştağı strategiälärneñ berse, digän fikerdä" dip äytte Yaalon.
Hamas häm fälestinnärneñ tağın başqa fraksiäläre Yassinnıñ üleme öçen üç alaçaqların belderde.
İsrael xärbi köçläre yuğarı äzerlek däräcäsenä kiterelde. Ğaskärlär fälestinnärneñ İsraelgä ütüen buldırmas öçen Könbatış Yar häm Gaza töbägen yaptı.
