Üzbäkstan xoquq saqlaw oyışmaları uzğan 3 köndä Boxara häm Taşkent şähärendäge höcümnärgä qatnaşı buluda şiklänelgän 30-lap keşene totqarlawın belderde.
Kübese üzbäk militsiäsenä qarşı oyıştırılğan bu höcümnärdä 42 keşe hälak bulğan.
Uzğan 3 köndäge bomba şartlatular häm atışlar Üzbäkstan 1991-nçe yılda bäysezlek alğannan soñ ildäge iñ qatı bäreleşlär buldı.
Prokuror Räşit Qadirov şikle keşelär terrorçılıq ğäyepläwläre nigezendä totqarlandı dide. Alarnıñ qayberläre isän qalğan suğışçılar buluda, qayberläre suğışçılarğa yardäm itüdä ğäyeplänä.
Üzbäkstan xökümäte bu höcümnär öçen İslamçı oyışmalarnı ğäyepli. Ämma älegä ber genä oyışma da cawaplılıqnı üz östenä almadı.
