AQŞ xärbiläre Ğiraqnıñ Falluca şähärendä AQŞ citäkçelegendäge koalitsiä tözeleşlärendä kileşü nigezendä eşläwçe 4 çit il watandaşı hälak buldı dide.
Bu turıda Bağdadta AQŞ xärbiläre wäkile Mark Kimmet belderde. Anıñ äytüençä, ber törkem keşe alarnıñ maşinalarına ut törtkän häm üzlären kisäklärgä turağan.
Kimmett ul keşelärneñ qaysı il watandaşları bulğanlığın äytmäde.
Bügen Falluja tiräsendä maşinada minağa yulığıp 5 amerikan soldatı da hälak buldı.
Bügen Baquba şähärendä maşinağa quyılğan bomba şartlaw näticäsendä maşina yörtüçe hälak buldı, berniçä keşe yaralandı.
