Atnakiç könne Başqortstanğa ike könlek räsmi säfär belän Törkiäneñ Qazandağı baş konsulı İsmäğil Xaqqı Musanıñ kilde. Kilgän könne ul iñ täwdä Törkiäneñ Başqortstanda eşläwçe tözüçeläre häm eşquarları belän oçraşıp söyläşülär ütkärde. Bu oçraşuda törek eşquarları baytaq qına problemnar da kütärgän, şul isäptän Rusiägä kergän – çıqqan waqıtta wizalar açu belän bulğan qíınlıqlarnı häm eşkä urnaşqanda kilep tuuçı kirtälärne dä atağan alar.
Eşquarlar belän söyläşülärdän soñ, general qonsul Rusiä Çit il eşläre ministerlığınıñ Başqortstandağı wäkile Zinnur Märdanov belän dä küreşte. Ul söyläşüneñ eçtälege xaqında matbuğatqa täfsille mäğlümat birelmäde. Ämma qayber säyäsätçelär farazlawınça, ul oçraşuda Başqortstanda eşläwçe töreklär tiräsendäge xällär dä tikşerelgän bulırğa tieş. Ni öçen digändä, öç atnası çaması elek Törkiäneñ Ufada eşläwçe 4 watandaşı Başqortstannan quıp çığarılğan ide. Başqortstan Eçke eşlär ministerlığınnan alınğan xäbärlärgä qarağanda, törek qardäşlärebezneñ republíkta dini propağanda alıp baruı açıqlanğan. Älbättä, mondí ğädättän tış xäl Zinnur Märdanov belän Törkiä qonsulı iğtibarınnan çittä qalmağandır. Häm, älbättä inde, qonsul äfände älege kilüendä üz watandaşları belän oçraşularında alarğa mondí xällär qabatlanmasın öçen, qayber kisätülär dä yasayaçaqtır. Comğa könne İsmäğil Xaqqı Musa irtän irtük Başqortstan tışqı bäyläneşlär häm säwdä ministerı Boris Qolbin belän oçraşuda buldı. Anda Törkiä qonsulı üzeneñ bu wazífada nibarı öç ay ğına buluın äytep, Başqortstanğa kilüe maqsatı itep törki republík belän yaqınnanraq tanışu kiräklegen kürsätte. Söyläşüdä ike taraf ta Törkiä belän Başqortstan arasında soñğı yıllarda üzara iqtisadí bäyläneşlärneñ arta baruın, läkin äle xezmättäşlekneñ barıber aqrınraq üsüen bilgeläde. Älege köndä Başqortstanda Törkiä qäpitalı qatnaşqan 50 gä yaqın şirkät eşli ikän. Alar arasında tözeleş firmıları da, xalıqqa törle xezmät kürsätü, şulay uq restoran biznesı şirkätläre dä bar. Xezmättäşlek berençe qaraşqa üsä barğan kebek. Ämma ul ike republíknıñ da zur mömkinleklärenä bärabär däräcädä tügel. Uzğan yılda ike aradağı säwdä äyläneşe nibarı 59 million dollar ğına täşkil itkän. Törkiäneñ Qazandağı general qonsulın arıtaba Başqortstannıñ premier – ministerı Rafael Baydäwlätov ta qabul itte. Bu oçraşuda da ike aradağı iqtisadí xezmättäşlek mäsäläläre söyläşü üzägendä tordı. Bıyıl İstanbul şähärendä Başqortstan wäkilçelegen açu mäsäläläre dä tikşerelde. Annan soñ İsmäğil Xaqqı Musa äfändene Başqortstan parlamentı citäkçese Qonstantin Tolqäçev ta qabul itte. Könneñ ikençe yartısında däräcäle qunaq berniçä şirkättä häm Ufanıñ istälekle urınnarında buldı. Säfäre azağında Törkiä qonsulı jurnalistlar öçen matbuğat oçraşuı da oyıştırdı. Törkiäneñ Qazandağı yaña qonsulı Başqortstan belän täwge tanışuınnan qänäğät qaluın belderde. Anıñ süzlärençä, Başqortstanğa yışraq kilügä säbäplär küp, kübräk aralaşu üzara ışanıçnı da arttıruğa xezmät itä, dip belderde ul. Törkiä belän Başqortstan arasındağı bäyläneşlär arta barsa da, republíktan qayber töreklärne quıp çığaru üzara mönäsäbätlärgä tap töşerep tä quya. Bıltır Başqortstanda 4 törek – başqort litseyenıñ yabıluı häm anda eşläwçe törek qardäşlärebezneñ tuğan illärenä quıluı waqíğası küp kenä bäxäslär uyatqan ide. Äle öç atna elek tağın 4 törek watandaşınıñ quıluı da baytaq sorawlar tudırdı. Läkin Başqortstan yağı da, Törkiä wäkilläre dä mondí oçraqlarnıñ ike republík arasındağı zur proektlarğa zían kitermäwenä ışanıçın belderä.
Eşquarlar belän söyläşülärdän soñ, general qonsul Rusiä Çit il eşläre ministerlığınıñ Başqortstandağı wäkile Zinnur Märdanov belän dä küreşte. Ul söyläşüneñ eçtälege xaqında matbuğatqa täfsille mäğlümat birelmäde. Ämma qayber säyäsätçelär farazlawınça, ul oçraşuda Başqortstanda eşläwçe töreklär tiräsendäge xällär dä tikşerelgän bulırğa tieş. Ni öçen digändä, öç atnası çaması elek Törkiäneñ Ufada eşläwçe 4 watandaşı Başqortstannan quıp çığarılğan ide. Başqortstan Eçke eşlär ministerlığınnan alınğan xäbärlärgä qarağanda, törek qardäşlärebezneñ republíkta dini propağanda alıp baruı açıqlanğan. Älbättä, mondí ğädättän tış xäl Zinnur Märdanov belän Törkiä qonsulı iğtibarınnan çittä qalmağandır. Häm, älbättä inde, qonsul äfände älege kilüendä üz watandaşları belän oçraşularında alarğa mondí xällär qabatlanmasın öçen, qayber kisätülär dä yasayaçaqtır. Comğa könne İsmäğil Xaqqı Musa irtän irtük Başqortstan tışqı bäyläneşlär häm säwdä ministerı Boris Qolbin belän oçraşuda buldı. Anda Törkiä qonsulı üzeneñ bu wazífada nibarı öç ay ğına buluın äytep, Başqortstanğa kilüe maqsatı itep törki republík belän yaqınnanraq tanışu kiräklegen kürsätte. Söyläşüdä ike taraf ta Törkiä belän Başqortstan arasında soñğı yıllarda üzara iqtisadí bäyläneşlärneñ arta baruın, läkin äle xezmättäşlekneñ barıber aqrınraq üsüen bilgeläde. Älege köndä Başqortstanda Törkiä qäpitalı qatnaşqan 50 gä yaqın şirkät eşli ikän. Alar arasında tözeleş firmıları da, xalıqqa törle xezmät kürsätü, şulay uq restoran biznesı şirkätläre dä bar. Xezmättäşlek berençe qaraşqa üsä barğan kebek. Ämma ul ike republíknıñ da zur mömkinleklärenä bärabär däräcädä tügel. Uzğan yılda ike aradağı säwdä äyläneşe nibarı 59 million dollar ğına täşkil itkän. Törkiäneñ Qazandağı general qonsulın arıtaba Başqortstannıñ premier – ministerı Rafael Baydäwlätov ta qabul itte. Bu oçraşuda da ike aradağı iqtisadí xezmättäşlek mäsäläläre söyläşü üzägendä tordı. Bıyıl İstanbul şähärendä Başqortstan wäkilçelegen açu mäsäläläre dä tikşerelde. Annan soñ İsmäğil Xaqqı Musa äfändene Başqortstan parlamentı citäkçese Qonstantin Tolqäçev ta qabul itte. Könneñ ikençe yartısında däräcäle qunaq berniçä şirkättä häm Ufanıñ istälekle urınnarında buldı. Säfäre azağında Törkiä qonsulı jurnalistlar öçen matbuğat oçraşuı da oyıştırdı. Törkiäneñ Qazandağı yaña qonsulı Başqortstan belän täwge tanışuınnan qänäğät qaluın belderde. Anıñ süzlärençä, Başqortstanğa yışraq kilügä säbäplär küp, kübräk aralaşu üzara ışanıçnı da arttıruğa xezmät itä, dip belderde ul. Törkiä belän Başqortstan arasındağı bäyläneşlär arta barsa da, republíktan qayber töreklärne quıp çığaru üzara mönäsäbätlärgä tap töşerep tä quya. Bıltır Başqortstanda 4 törek – başqort litseyenıñ yabıluı häm anda eşläwçe törek qardäşlärebezneñ tuğan illärenä quıluı waqíğası küp kenä bäxäslär uyatqan ide. Äle öç atna elek tağın 4 törek watandaşınıñ quıluı da baytaq sorawlar tudırdı. Läkin Başqortstan yağı da, Törkiä wäkilläre dä mondí oçraqlarnıñ ike republík arasındağı zur proektlarğa zían kitermäwenä ışanıçın belderä.
