Şuşı şirkätlärgä xäzer Quşma Ştatlarnıñ xökümät oyışmaları aşa ilgä tawarlar kertü, ä amerikan şirkätlärenä alar belän eş itü tıyıla. Çikläwlär ğämäldä ike yıl bulaçaq. Quşma Ştatlarnıñ däwlät departamentı wäkile Adam Ereli, süz barlığı 7 ilneñ şirkäre turında bara dip belderde.
Audio, Adam Ereli
"2000-nçe yılda qabul itelgän İran turındağı maxsus qanunnı ütäw yözennän Quşma Ştatlar İranğa tıyılğan cihazlar satu belän şöğellängän 13 şirkätkä qarşı çikläwlär kertä, alar arasında 5-e Qıtaynıqı, ikese Makedoniädän, tağın ikese Rusiädän, berär şirkät Belarustän, Taywannän, Tönyaq Koreädän, Berläşkän Ğäräp Ämirleklärennän" di däwlät departamentı wäkile Ereli. Ul şul şirkätlärneñ isemnären atamadı, barı tik Tönyaq Koreädän genä däwlät qaramağındağı ber şirkät isemen äytte. Adam Ereli ayrıuça, şuşı çikläwlärneñ telgä alınğan illärgä qarşı tügel, ä barı tik şul 13 şirkätkä qarşı ğına kertelüenä basım yasadı. Anıñ süzlärenä qarağanda, alarnıñ 1999-nçe yılnıñ 1-nçe ğinwarennän soñ İranğa, küpläp üterü qoralların citeşterü öçen dä qullana alırlıq cihazlar yäisä texnologiälär satuın raslağan ışanıçlı dälillär bar. Quşma Ştatlar İrannıñ şikle qorallar citeşterüenä qarşı çaralar kürü maqsatında maxsus qanun qabul itkännän şundıy iqtisadi çikläwlär barlığı 23 şirkätkä qarşı kertelde. Bu atnada ğına Washington, elegräk Rusiäneñ 6 şirkätenä qarşı quyılğan şundıy çikläwne ğämäldän çığarğan ide, alar xäzer İran belän şikle xezmättäşlegen inde tuqtattı dip xäbär itelä. Adam Ereli, İranğa cihazlar satu mäs''äläsen Quşma Ştatlar xökümäte Qıtay häm Rusiä räsmiläre belän oçraşularında härdaim kütärep tora, bu xaqta mäğlümat başqa illärgä dä citkerelä, ämma şuşı ölkädä äle başqarası eşlär citärlek dip belderä.
Audio, Adam Ereli
"Qağidälärne ütäw eşen tağın da qırıslatu, cihazlar satunı tikşerü ölkäsendä xälebezdän kilgängä qarağanda kübräk tä eşläp bula. Bu tieşle illär belän fiker alışularda möhim tema bulıp tora häm bez bu eş belän bik citdi şöğellänäbez" di Quşma Ştatlarnıñ däwlät departamentı wäkile. Uzğan ayda amerikan däwlät sekretareneñ urınbasarı John Bolton İrannı, üzendäge atom qoralları programmasın yäşerüdä ğäyepläp, anıñ şuşı tırışlıqların faş itü maqsatında Tähranğa xalıqara basımnı arttırunı wäğdä itkän ide.
Kärim Kamal, Praga
Audio, Adam Ereli
"2000-nçe yılda qabul itelgän İran turındağı maxsus qanunnı ütäw yözennän Quşma Ştatlar İranğa tıyılğan cihazlar satu belän şöğellängän 13 şirkätkä qarşı çikläwlär kertä, alar arasında 5-e Qıtaynıqı, ikese Makedoniädän, tağın ikese Rusiädän, berär şirkät Belarustän, Taywannän, Tönyaq Koreädän, Berläşkän Ğäräp Ämirleklärennän" di däwlät departamentı wäkile Ereli. Ul şul şirkätlärneñ isemnären atamadı, barı tik Tönyaq Koreädän genä däwlät qaramağındağı ber şirkät isemen äytte. Adam Ereli ayrıuça, şuşı çikläwlärneñ telgä alınğan illärgä qarşı tügel, ä barı tik şul 13 şirkätkä qarşı ğına kertelüenä basım yasadı. Anıñ süzlärenä qarağanda, alarnıñ 1999-nçe yılnıñ 1-nçe ğinwarennän soñ İranğa, küpläp üterü qoralların citeşterü öçen dä qullana alırlıq cihazlar yäisä texnologiälär satuın raslağan ışanıçlı dälillär bar. Quşma Ştatlar İrannıñ şikle qorallar citeşterüenä qarşı çaralar kürü maqsatında maxsus qanun qabul itkännän şundıy iqtisadi çikläwlär barlığı 23 şirkätkä qarşı kertelde. Bu atnada ğına Washington, elegräk Rusiäneñ 6 şirkätenä qarşı quyılğan şundıy çikläwne ğämäldän çığarğan ide, alar xäzer İran belän şikle xezmättäşlegen inde tuqtattı dip xäbär itelä. Adam Ereli, İranğa cihazlar satu mäs''äläsen Quşma Ştatlar xökümäte Qıtay häm Rusiä räsmiläre belän oçraşularında härdaim kütärep tora, bu xaqta mäğlümat başqa illärgä dä citkerelä, ämma şuşı ölkädä äle başqarası eşlär citärlek dip belderä.
Audio, Adam Ereli
"Qağidälärne ütäw eşen tağın da qırıslatu, cihazlar satunı tikşerü ölkäsendä xälebezdän kilgängä qarağanda kübräk tä eşläp bula. Bu tieşle illär belän fiker alışularda möhim tema bulıp tora häm bez bu eş belän bik citdi şöğellänäbez" di Quşma Ştatlarnıñ däwlät departamentı wäkile. Uzğan ayda amerikan däwlät sekretareneñ urınbasarı John Bolton İrannı, üzendäge atom qoralları programmasın yäşerüdä ğäyepläp, anıñ şuşı tırışlıqların faş itü maqsatında Tähranğa xalıqara basımnı arttırunı wäğdä itkän ide.
Kärim Kamal, Praga