Taşkent. Üzbäkstan tışqı eşlär ministrı Sadıyq Safaev, ildä äle haman da islam suğışçıları eş itä dip belderä. Bu xaqta ul bügen Taşkentta xäbärçelär belän aralaşqanda äytte. Berük waqıtta ul, Quşma Ştatlarnıñ Äfğanstanda alıp barğan suğışı radikal' "Üzbäkstan islam xäräkäte" qüwäten kimette häm ul xäzer däwlätkä zur qurqınıç tudırmıy dip isäpli. Bu atnada Üzbäkstanda 4 kön buyı barğan höcüm häm şartlawlar artında näq menä "Üzbäkstannıñ islam xäräkäte"nä bäyle köçlär tora dip farazlanğan ide. Şul höcümnärdä 45-läp keşe hälak buldı.
