Accessibility links

якшәмбе, 25 июнь 2017, Казан вакыты 06:43

Şpionlıqta ğayeplängän İgor Sutyaginnı 17 yılğa törmägä utırtunı sorıylar


Rusiä prokurorları könbatış faydasına küzläw eşläre alıp baruda ğayeplängän atom belgeçe İgor Sutyaginğa 17 yıl törmä cäzası birergä täqdim itä. Keşe xoquqları aktivistları älege mäxkämä eşe başınnan uq ğadel tügel, dip belderde. Xökem qararı irtägä iğlan iteler dip kötelä. Zur däräcägä iä bulğan Amerikan-Kanada institutında eşlägän Sutyagin Britaniä häm Amerika Quşma Ştatlarına su astı atom köymäläre häm raketadan saqlanu sistemaları turında yäşren mäğlümat tapşıruda ğayeplänä. Sutyaginnıñ advokatları cämäğät mäxkämäsen xakimnärgä basım yasawda ğayepläde häm eşne yañadan appelyatsiägä biräçäklären äytte. Sutyagin mondıy mäğlümatne tapşırğanın tanıdı, ämma anıñ yäşren bulğanın kire qaqtı. Anıñ advokatları, xakimnär ber tapqır da – mäğlümatneñ yäşren bulu-bulmawı turında soraw quymadı, dip belderde.

XS
SM
MD
LG