Kiçä Aljirda uzğan prezident saylawlarında xäzerge ilbaşı Abdelaziz Buteflika küpçelek tawış belän ciñü yawladı. Eçke eşlär ministrı Yazid Zarhuni belderüençä, Buteflika öçen saylawçılarnıñ 83%tı tawış birgän. Anıñ köndäşläre tawış birüdä citdi qanun bozular buldı, dip belderde.
Buteflika üzeneñ saylaw kampaniäse waqıtında suğıştan soñğı cimerek möselman ilen demokratiä häm bazar şartlarında tärräqi itüen däwam iter öçen üzen tağın 2009nçı yılğa qadär saylanuın sorağan ide. 1962nçe yılda Fransiädän bäysezlek alğan Aljir'nıñ kiläçäge öçen kiçäge prezident saylawları bik tä zur ähämiätkä idä ide.
