Bügen Çeçnyänıñ Şali rayonında Eşke eşlär ministrlığı xezmätkäre üterelgän. Anı üterüdä şiklänelgän ike keşe totqarlanğan. Niki Xita awılınnan yıraq tügel genä çeçen suğışçıları belän bäreleştä Rusiä xärbie yaralanğan. Xärbilär mäğlümätenä qararğanda, höcüm itüçelär üterelgän. Uzğan täwlektä Çeçnyäda şartlawlardan öç yäşüsmer hälaq bulğan. İkese Gudermes yanında, alarnıñ qullarında granat şartlağan. Tağı ber mäktäp uquçısı Kurçaloyda hälaq bulğan. Ul tabıp alğan şartlatqıç caylanmanı sütep qararğa tırışqan.
