BMO general sekretarı K.Annan AQŞ köçläreneñ duçar bulğan qıyınlıqlarnı tanısa da,köç qullanunıñ kiskennäşüen tuqtatu bik möhim dide.Annan(audio)
Okupatsion köçlärneñ kürgän çaralar, xalıqqa sivillärgä zarar kitersä, ğıysyançılar sanı da artaçaq. här kem köräş xalıqnıñ küñelen yörägen qazanu öçen alıp barılırğa tieş dip äytä.
General sekretar ğıraqlı ğıysyançılar yäşrengän şığılarnıñ izge NACAF şährenä yasalaçaq här törle höcümneñ näticälären küzaldına da kiterü mömkin tügel dide. Ämma K.Annan ber yk waqıtta AQŞ citäklägän koalitsion köçlärneñ Ğıraqta röxsät itelmägän qorallı törkemnärne taratu tırışılığın da yaqladı. Anıñ süzlärençä(audio) Minemçä okupatsion köçneñ nıq iminlek, qanun tärtib kürergä teläve normal.Şuluq territoriädä armiä , politsiä yäki bik küp xärbi törkemnär eşçänlek alıp bara almıy.Min ğıysyançı törkemne taratu tırışılığına yaxşı eş dip qarim.
AQŞ räsmiläre Falucadağı operatsiädä saqlıq kürsätülären ,ut açılsa ğına cawap qaytaruların belderä. AQŞ armiäse generale Mark Kimmitt qarşılıq kürsätüne beterü öçen başqa çaralarnı da küz aldında totuın äytte. Kimmit(audio) kiñ küläm mätbuğat çaraları xabärenä qarap andıy täsir qalmasa da, koalitsion köçlär äle dä atışlarnı tuqtatunı saqlap qalıp , Fallucadağı wazğiätne tınıç yullar belän xäl qılırğa teli
dip äytte general Kimmit.
K.Annan Ğıraqta okupatsiäneñ räsmi tämamlanuı belän qarşılıq kürsätü kimer dip ömet itä.BMOnıñ Ğıraq öçen bilgelägän mäxsus wäkile Laxdar Braximi kiläse ay azaqlarında waqıtlı xökümätne oyıştırıp beterep aña AQŞ räsmiläre belän möstaqilleq turında söyläşü öçen waqıt birergä teli.Braximi tizdän Ğıraqqa qaytıp ,cirle citäkçelär belän waqıtlı xökümät turında söyläşäçäk. Mätbuğat xabärlärenä qarağanda ,küçmä däwer protsesında Braximi täsireneñ artuı, Ğıraq idarä Şurasında utırğan qayber äğzalarnı nıq poşındıra başlağan. Alarnıñ qayberläre Braximigä höcümnären arttırıp ,küçmä däwerdä üzläreneñ rolen saqlap qalırğa teli. Alarnıñ berse Axmät Çalabi . Yäkşämbedä ul AQŞnıñ Fox News-ına birgän ängämädä Braximi qapma qarşılıqlı keşe , ul xalıqnı berläşterü sälätenä iä tügel dip äytkän.Çalabi citäklägän Ğıraq Milli Kongressı isemle partiä belän bäyläneşe bulğan Al Mutamar basması kiçä berençe bitendä İdarä şurası äğzaı A.Paçaçığa höcüm itkän mäqalä urnaştırdı. A.Paçaçı BMOnıñ qatnaşuın xuplağan säyäsätçe. Mäqalädä Paçaçı belän Braximi, legitim Ğıraq citäkçelärenä säyäsi rol birmi üzläre pärdä artında xökümät oyıştırırğa yöri dip yazılğan ide.Çalabinıñ süzçese Entifad Qanbar mätbuğat klubında jurnalistlarğa, ğıraqlılar bu kön öçen suğıştı häm ülde AQŞ okupatsiäsen BMO kontrole belän alıştıru qabul itelerlek närsä tügel, Braximi yä ğıraqlılar telägänne eşliäçäk yä dä uñışsızlıqqa duçar bulaçaq dip söyläde süzçe Qanbar.Ämma Ğıraq idarä şurasınıñ başqa ber äzğası Gazi al Yawar, şuranıñ uñışsızlığın tanıp, bez ciddi mäsälälärgä ähämiät biräse urınğa üzebez yäşäp qalu öçen tırışıp,ilneñ problemaların ğına arttırdıq dip äytte.
färidä xämit,praga
färidä xämit,praga