Accessibility links

Кайнар хәбәр

Dönyawi bäyrämnär Mäwlit bäyrämenä totaşa


Bar Rusiädäge kebek ük Başqortstanda ozaqqa suzılğan may bäyrämnäre başlana. Älege bäyrämnärne Rusiädä şulay uq ike atnağa qädär suzıluçı yaña yıl bäyrämnäre belän çağıştırıp bulır ide. Republík citäkçeläre 1 may bäyräme uñayınnan xalıqqa qotlaw belän möräcäğät itte. Qayber şirkätlär üz eşçelären 11 mayğa qädär yalğa cibärde.

May bäyrämnäre çorında iminlekne arttıru öçen Başqortstan Eçke eşlär ministerlığı üzeneñ barlıq şähärlärdä häm rayonnardağı bülekläre xezmätkärlären köçäytelgän eş rejimına küçerü turında qarar itte. Milisí patrulläre ayıruça bäyräm çorında küp xalıq qatnaşqan çaralarda iminlekne saqlaw belän mäşğül bulaçaq.

May bäyrämenä ikençe ber bäyräm dä turı kilde. Republíkta 1- 2 may könnärendä Mäwlit bäyräme dä bilgelänäçäk. Republík rayonnarında häm şähärlärendä bu uñaydan baytaq çaralar oyıştırıla. Ufada isä Mäwlit bäyräme bik zurlap 1 may könne başqaladağı Lälä – Tyülpän mäçetendä, ä 2 may könne Tuqay uramındağı Cämiğ mäçetendä ütkäreläçäk.
XS
SM
MD
LG