Fälüca. Ğiraqnıñ yaña qorılğan xärbi bülekçälärenä, alarğa şuşı şähärdä tärtip urnaştıru burıçı yöklänü säbäple, Fälüca tiräsendäge berniçä tikşerü nığıtması tapşırıldı. Anda elek urnaşqan amerikan marinnarı nığıtmalarnı buşattı. Ğiraqnıñ şuşı yaña ğäskäri bülekçäse yaqınça 1000 xärbidän toraçaq, alarnıñ zur öleşen Fälüca tiräsendä yäşägän elekke Ğiraq ğäskäre xezmätkärläre täşkil itäçäk. Bülekçäneñ başlığı itep Saddamnıñ respublikan gvardiäsendä xezmät itkän general Yasim Möxämmäd Salix bilgelände. Ğiraqtağı amerikan xärbi citäkçelege başlığı general John Abizaid, şuşı yaña xärbi bülekçä Könbatış berektäşlege citäkçelegendä bulaçaq dip belderde.
