Tbilisi. Gruziä prezidentı Mixail Saakaşvili süzlärenä qarağanda, qorallı törkemnär Gruziäne Acarstannan ayırıp torğan Çoloki yılğasındağı küperne şartlatqan. Saakaşvili bu xaqta bügen Kutaisi digän xärbi korabta diñgez künegülären küzätkän çaqta İmedi telekanalına belderde. Ul şulay uq Acarstan citäkçese Aslan Abaşidzene törle qotqılardan totılıp qaluğa çaqırdı häm Gruziäneñ Acarstanğa qarşı köç qullanu niäte yuq dide. Acar eçke eşlär ministrlığı küperne şartlatunı rasladı, ämma monıñ kemnär tarafınnan eşlänüe xaqında üzendä mäğlümat bulmawın äytte. Soñraq acar citäkçese Aslan Abaşidze, bu Gruziä xökümäteneñ köç qullanuına qarşı kisätü çarası bularaq eşlände dip belderde. Acarstan yağı barlığı 3 küperne şartlatu turında xäbär itte.
