İzrael premiere A.Sharon distä yıllardan birle yähüd utarlarınıñ tözelüen yaqlawçı säyäsätçe dip belenä . Nigä soñ Sharon ber yaqlı bularaq Gazadan çigenergä teli? Säbäbe bik ğadi. Gaza Sızığında ber million yarım fälästinle arasında xärbilär tarafınnan nıq saqlanğan 7500 yähüd yäşi . Nığıtmağa äylängän bu 21utarnı qarap toru çığımnarı da şaqtıy yuğarı. Sharon bu utarlardan häm Könbatış Üzänendäge tağı berbersennän bik yıraqta bulğan 4 utardan ber yaqlı wazkiçep, Üzändä 225 meñ yähüd yäşägän keçkenä şähär häm qasabalarnı saqlap qalu niätendä. Uzğan ayda prezident G. Bush bu planğa doğa fatixasın birep, älege çınbarlıqnı küzdä totqanda İzraelneñ Könbatış Üzäneneñ ber öleşen saqlap qaluı zarur digän häm fälästin mohacirlarınıñ kire öylärenä qaytuına da qarşı buluın äytkän ide. Ämma bu AQŞnıñ da yaqlağan yul xaritası'' dip yöretelgän tınıçlıq planına qarşı. Çönki İzrael 1967nçe yılğı çiklärenä qaytırğa okupatsiälägän territoriälärdän çigenergä tieş. Gaza sızığında yäşäwçelär çigenü terrornı büläkläw bulaçaq digän kampaniä alıp bardı.Kiçä Gaza sızığında qorsaqlı yähüd xatını 4 balası belän bergä maşinada atıp üterelde.Şulay itep Likud äğzalarnıñ 60% kiçä plannı kire qaqtı.
Gaza utarlarınıñ bersendä yäşäwçe Rivka Goldschmid süzlärençä(audio) Bez monıñ premier A.Sharonğa bik köçle kündernä buluına ışanabız. Bu il siña elek bulğan pozitsiänä qayt , İzraelgä qarşı tügel ä İzrael öçen suğış dip äytte.
Premier Sharon üzeneñ uñ yünäleşle Likud partiäse tarafınnan kire qağıluına qarata qızğanıç beldersä dä, çigeneregä niäte bulmawın häm il belän qulınnan kilgän iñ yaxşı räweştä idarä itergä däwam itäçägen belderde. İzrael xökümäte ministırı Uzi landau
Näticälär ,terrornı qıyulandıraçaq plannı likud äzğalarınñ yaqlamawın kürsätä dide.
Fälästinnärgä kilgändä alar älbättä İzraelneñ Gazadan çigenüen bik tä xuplar ide, ämma Sharonnıñ söyläşülärne çitlätep ütep üz başına eş itüe , 67nçe yılda alınğan teritoriälärneñ qaytarılmayaçağın häm dä Fälästin däwläteneñ oyışmayaçağın añlata.Premiär Axmäd Qurei (audio) Bezneñ öçen in möhim närsä fälästinnärneñ kire qaytu, üz bilgelänü häm başqalası Yerusalem bulğan Fälästin däwläteneñ oyışu xoquqın saqlap qalu dide.
Londonda urnaşqan Xalıqara mäsälälär turındağı Patşalıq İnstitutı analitiğı Yossi Mekelberg qaraşınça (audio)
Sharon planıFälästinnär arasında , ğäräb başqalalarında Waşington häm Yerusalemnän kilgän ämer bularaq añlaşıldı. Ul ber yaqlı , fälästinnär, fälästin citäkçelege belän söyläşelmägän ide. Alar moñı Ğäräb-İzrael konfliktın çişüdä bereneçe adım bularaq tügel ä ämer bularaq qabul itte.
Waşingtonda Aqyort likud partiäseneñ kire qağuına qaramastan äle dä Sharon planın yaqlawın belderde. İrtägä yul xaritası dip yöretelgän yaqın könçığış tınıçlıq planınıñ ximäyäçeläre BMO, Yevropa berlege , AQŞ häm Rusiä tışqı eşlär ministırları NYta oçraşa.Quşma Ştatları bu oçraşuda Sharonnıñ Gazadan ber yaqlı çigenü planınıñ yaqlanuı öçen tırışaçaq dip kötelä.Fälästin premiäre Axmet Qurei bügen Waşingtonnı Sharon planı turında yañadan uylanırğa çaqırdı. Yul xaritası yaqın könçığıştağı köç qullanu häm Sharon planı säbäple körçekkä terälgän. WP häm Los Angeles Times gazetaları Ğıraq totqınnnarınıñ törmälärdä kimsetelüe ğäräb dönyasında AQŞ nıñ abruyına tap töşergändä Sharon planınıñ kiçä Likud tarafınnan kire qağıluı Bushnıñ yaqın könçığış säyäsätenä zur orım bulıp tora dip yazıp çıqtı.
färidä xämit,praga
färidä xämit,praga