Accessibility links

Кайнар хәбәр

Ariel Şaron planınnan waz kiçärgä uylamıy


İzrail premer-ministrı Ariel Şaron, Likud partiäse anıñ Ğaza sızığınnan yähüd utırmaların çığaru planın kire qaqqaç, añar ğadi bulmağan qararlar qabul itärgä turı kiläçäk dip belderde. Şaron, partiä referendumınıñ näticälären qabul itüen belderep, üz planınnan taypılmayaçağın da sizderde. Vitse-premer Äxud Olmert Ğaza sızığınnan yähüd utırmaların çığaru qotılğısız, dide. İzrail televideniese mäğlümätlärenä qarağanda “Likud” partiäse üz eçendä ütkärgän referendumda 60% tawışın Şaron planına qarşı birgän. Bu turıda fälästinnärneñ premier-ministrı Äxmät Qurei bolay dide:

Audio (Äxmät Qurei)

“Näticälärneñ şulay buluı aldan uq bilgele ide. Çönki bu xäl fälästin mäsäläse xaqında qabul itelgän xalıqara qanun häm rezolyutsiälärgä qarşı kilä. Xalıqara aradaşçı bulğan Quşma Ştatlar fälästinnärgä basım yasawdan waz kiçärgä häm söyläşülärne yañartırğa tieş.

“Yul xatirası” dip atalğan xalıqara plannı tormışqa aşırır öçen xalıqara konferensiä cıyarğa kiräk”, dide fälästinnär premer ministrı Äxmät Qurei.
XS
SM
MD
LG