Accessibility links

Кайнар хәбәр

Elekege AQŞ diplomatları G.Bushnıñ yaqın könçığış säyäsäten tänqitli


Ğıraq suğışı häm aña bäyläneşle waqıyğälär şulayuq İzrael säyäsäten nıq yaqlawı säbäple bu aralarda ğäräb dönyasında , AQŞqa qarata ışanıç,simpatiä kimegän.Mätbuğat xabärlärenä qarağanda ,AQŞnıñ pensiädäge 53 diplomatı,Waşingtonnıñ İzraelne häm premyer Sharonnı yaqlawı Amerikanıñ abruyın ,dusların,ışanıçnı yuğaltuğa kiterä digän borçılu beldergän xat yazğan.

Ütkän atnada Britaniäneñ eleke 52 diplomatı qul quyğan xat premyer T.Blairğa cibärelde. Xatta Ğıraq häm yaqın könçığışta amerikan säyäsäten nıq yaqlağan Britaniä xökümäte tänqitlände.Britaniä tışqı eşlär ministırı Jack Straw Britaniäneñ AQŞları belän mönäsäbätlären zäğiflätü omtılışların kisken tänqitläp, bezneñ öçen AQŞ belän bergäläp eşläw häm qotıplaşuğa yul quymaw bik möhim çönki bu bezneñ häm Yevropanıñ täsiren zäğifläter ide dip belderde. Qayberläre ğäräb illärendä xezmät itkän elekege AQŞ diplomatları Waşingtonnıñ İzrael premyereneñ säyäsäten yaqlawına nıq borçılu belderä. BBC mäğlümätenä qarağanda , xatta bez eleke diplomatlar britaniäle 52 kollegabıznıñ T.Blairnıñ yaqın könçığış säyäsäten tänqitlägän häm Britaniäne AQŞqa kübräk täsir itergä çaqırğan xatın xuplıybız dip yazılğan. Sişämbe könne Waşingtonda mätbuğat oçraşuında cämäğätçelekkä açıqlanaçaq bu xatnıñ kopyaları Reuters, BBC kebek mäğlümät agentlıqlarına tapşırılğan. Xatta bolay dip yazılğan:Sharonnıñ fälästin terror oyışmaları citäkçelären törle yullar belän ütertüen , İzraelneñ Berlin diwarına oxşaş divar tözü häm okupatsiä astındağı territoriälärdä kisken xärbi çaralar kürüen prezident Bushnıñ yaqlap çığuı häm anıñ Sharonnıñ ber yaqlı planın qıyulandıruı ilneñ ışanıç abruy häm dusların yuğaltuğa kiterä. Bu inisiativanı citäklägän 1977 belän 80-nçe yıllar arasında Qatarda ilçe bulıp torğan Andrew Killgore süzlärençä xatqa küp kenä elekege ilçelär yäki elek Däwlät Departamentında eşläwçelär qul quyğan.Xatta tağı mondıy yullar bar: prezident Bush ütkän ayda İzraelneñ ber yaqlı Gazadan çigenü planıñ qıyulandırıp, distälärçä yıl däwam itkän AQŞnıñ diplomatik traditsiälärennän çitläşte . Ul fälästinnär belän söyläşü , fälästin däwläte turındağı idealarnı çitkä qağıp AQŞnı tınıçlıq urnaştıruda ışanıçsız partnär xälendä qaldırıp çit illärdä xezmät itkän AQŞ diplomatları, sivil häm xärbilären qıyın xätta qurqınıçlı pozitsiädä qaldırdı. Xatqa imza quyuçılar Waşingtonnı yünäleşen üzgärtegä çaqıralar. Alar AQŞlarınıñ xärmät itelgän ğädellek traditsiälärenä kire qaytuı Yevropa ,yaqın könçığış xätta Ğıraqta xökem sörgän tiskäre tendänsiäne üzgärtäçäk dip belderälär. Sharonnıñ Gazadan çigenü belän berrättän Könbatış Üzänendä qayber utarlarnı saqlap qalu häm 48ñ-nçe yılda öylären taşlap kitergä mäcbür bulğan fälästinnärneñ kire qaytuın tuqtatu planıñ G.Bushnıñ yaqlap çığuı Ğäräb dönyasında uzğan ayda zur şau-şuğa säbäp buldı. AQŞnıñ traditsion dustı Yordaniä patşası Abdulla şuşı xabärdän soñ Waşingtonğa bilgelängän vizitın kiçekterde.Yordaniädä ber million 700meñ terkälgän fälästin mohacire yäşi,ikençe törle äytkändä xalıqnıñ 60%ın fälästin mohacirları täşkil itä. Amman öylärenä qaytarılmağan fälästinnär İzrael belän tözeläçäk tınıçlıq kileşüendä kompensatsiälänäçäk digän yazulı belderü taläp itte Waşingtonnan . Patşa bu turıdağı dokument min Aqyortqa vizit yasağan çaqqa turı kiterelep iğlan itelsen dip sorasa da, administratsiä bu mömkin tügel, säfärdän soñ belderü yasalır, ämma anda Yordaniä sorağan mäsälä bulmayaçaq dip äytep quydı. Waşington ğäräb dönyasında izolatsiägä kerep barğanda Yordaniä kebek urta yulda toruçı ilneñ yaqlawı bik möhim di Yordaniä universitetı säyäsi fännär profesorı Gazi Rababa

färidä xämit,praga
XS
SM
MD
LG