Ğiraqta, radikal şığilar citäkçese Moqtad as Sadr koalitsiä ğäskärlärenä atışlarnı waqıtlıça tuqtatıp torırğa täqdim itte.
Şäyex Äxmät aş Şaybani, ägär dä amerika ğäskärläre Näcäf şähärennän kitsä, Moqtad as Sadrnıñ suğışçıları Amerika ğäskärlärenä höcüm itmäyäçäk dip belderde. Şulay itep Şäyex, Sadr şähärgä Ğiraq politsiäsen qaytaruğa rizalıq birä digänne añlattı. Ğiraqnıñ Kerbela şähärendä koalitsiä ğäskärläre belän Moqtad as Sadr citäkçelegendäge şığıylar arasında qorallı bäreleşlär buldı. Atışlar tön urtasınnan tañğa qädär däwam itte. Ber amerikan xärbie häm Moqtadnıñ ike suğışçısı hälaq bulğan. Fällucada amerika gäskärläre urının Ğiraqnıñ saqlanu köçläre aldı. Bu töbäktä tärtipne xäzer alar saqlayaçaq. Quşma ştatlarnıñ saqlanu ministrı Donald Rumsfeld süzlärennä qarağanda, Ğiraqta Amerika ğäskärläre şul uq sanda, yağni 135 meñnän 138 meñgä qädär qalaçaq.
