Waşingtonda AQŞnıñ xärbi köçläre buyınça senat komissiäse, Ğiraqnıñ xärbi törmälärendäge xällärgä bağışlanğan tıñlawlar ütkärä. Töp şaxit amerikan generalı Antonio Taguba, Bağdad yanındağı Äbü Ğraib törmäsendä totqınnarnı cäzalaw turındağı xisap belän çığış yasay. Kiçä Quşma Ştatlar prezidentı George Bush gäyeplelär qatı cäzağa tartılaçaq dide. Anıñ süzlärenä qarağanda, berniçä törmä qarawılçısı qılğan ğämällär Ğiraqta demokratiä urnaştırıu eşlären sızıp atarğa tieş tügel.
