Accessibility links

Кайнар хәбәр

Hindstanda ütkän ğomumi saylawlarda opozitsion partiä ciñep çıqtı


Hindistanda parlament saylawlarında opozitsiädäge Sonia Gandhi citäklägän Kongress partiäseneñ ciñep çığuı kötelmägän eş buldı.Saylawlarnıñ töğäl näticäse äle iğlan itelmägän bulsa da premyer A.B.Vajpayeeneñ Milli Demokratik Berektäşlek xökümäte ciñelüne qabul itte. Premyer urınınnan kitte.

Premyer ministır Atal Bihari Vajpayee parlamentta zur küpçelekkä iä bulsa da, saylawlarnı 6ay elek ütkärep koalitsion xökümätneñ pozitsiäsen nığıtırağa qarar birä. Ul çaqta bu fikergä bik yaxşı dip qaralğan ide.Ämma näticä kötelgäneçä bulmadı.Hindistannıñ xakimiättäge hindu millätçe Demokratik Berektäşlek partiäse opozitsiägä kitäçägen belderde. .Saqlanu ministırı George Fernandez jurnalistlarğa (audio) premyer bu kiç xökümätne cıyılışqa çaqırdı. , cıyılıştan soñ ul çigenäçäk .Bez opozitsiägä kitäçäkbez dip äytte Şuşı çığıştan soñ berniçä säğät ütkäç, premyer Atal Bihari Vajpayeeneñ urınınan kitkäne iğlan itelde. Prezident Abdul Qalam yaña xökümät oyışqançı Vajpayyedän premyer wazıyfasın ütäwne sorağan. Kongress partiäse yaña xökümätne tözeçäkbez dip söyli. Kongressnıñ citäkçese Sonia Gandhi.Ul üterelgän eleke premyer Rajiv Gandhinıñ xälel cifäte çığışı belän italian bulğan xanımnıñ säyäsi täcribäse yuq.Ul xörmät itelgän Kongress partiäsen bilgesezlekkä alıp baraçaq dip kötelä.Älege saylaw näticälärenä qarağanda Kongress küpçelekne alğan kebek.Küpçelekne alu öçen tübän palata-Lok Sabhada 545urınnın 273ın alu zarur . Ägär dä ul küpçelekne alalmasa sul yünäleşele partiälär anı yaqlarğa wäğdä itte. Kongress szüçese Ambika Soni(audio) Bez baştağı tändensiägä tayanıp sonğı 3 köndä Vajpayee xakimiättä utıru öçen moral xoquqın yuğalttı dip äytep kiläbez.Kongress citäkçelegendä Demokratik Berektäşlek qatnaşmağan sekular xökümät oyıştırılırğa tieş dip äytte. Vajpayee irtäräk saylawlarğa çaqırğanda ul çäçäk atqan iqtisad , ekonomik reformalardağı progress häm atom köndäşe Pakstan belän aralarnıñ yaxşıruı , saylawaçılarnıñ yaqlawın cälep itäçäk dip xisapladı.Häm Hindistan yaltırıy digän şığar astında saylaw aldı kampaniäse alıp bardı.Qotoçqıç näticägä närsä säbäp buldı soñ. Döres Hindistan ekonomikası çäçäk ata. Ämma ul şähärlärdä kamil texnologiägä nigezlängän industriä. Awıl cirlärendä tormışnıñ awırlaşuına näk şul reformalar säbäp buldı. Saylaw näticäse şok kebek kürensä dä , xalıqnıñ qänäğätsezlegen kürsätkän işarä buldı. Atna başında Andra Pradesh ştatında ütkän saylawlarda Vajpayeeneñ berektäşe Çandrababu Naidu başministır postın yuğalttı. Naidu Hindistanda informatsion texnologiäse revolutsiäseneñ in aldınğı säyäsi yaqlawçısı ide. Naidu könyaq ştatlarına şul industriä öçen bik küp çit il kapitalı cälep itte. Ämma Andra Pradeshta xökem sörgän qorğaqlıq awıl cirlärendä xalöıqnıñ tormışın nıq qıyınlaştırdı. Press Trust xabär agentlığı xabärçese Rao süzlärençä(audio) qatı zarar kürüläre säbäple bik küp igençe üz üzen üterde. Qatı qorğaqlıq mamıq qırlarına zur zian kiterde.Xalıq awıl cirlärenä ber dä ähämiät birelmi dip xis itte. Ber yıldağı 4meñ üz-üzenne üterüneñ 3meñe Andra Pradesh ştatına turı kilä 20-nçe apreldä başlanğan 5fazada ütkän saylawlarğa 380million keşe qatnaştı

färidä xämit,praga
XS
SM
MD
LG