Çärşämbe könne Pragada, yıl sayın ütkärelä torğan "Zlata Praha" televizion filmnar festivale tämamlandı. 115-tän artıq film täqdim itelgän häm bıyıl 41-nçe märtäbä ütkärelgän şuşı xalıqara festival'dä bu yulı "Başqortstan" teleradiokompaniäsennän Venera Yumağulova da qatnaştı. Ul üzeneñ "Qarañğılıqtağı nur" digän filmın alıp kilgän ide. Mäşhür başqort xalıq çırçısı Ğabdulla Soltanovqa bağışlanğan şuşı videoäsär "Zlata Praha" festivalendä, elekke çex prezidentı Vaclav Havel häm cämäğäte Dagmar xanım qorğan fondnıñ "Saf küñel" digän maxsus bülägenä layıq buldı.
