Accessibility links

Кайнар хәбәр

Bağdadta şartlaw näticäsendä Ğiraqnıñ idarä şurası başlığı hälaq bulğan


Ğiraq xäkimiätläre xäbärlärenä qarağanda, şartlaw koalitsiä köçläre citäkçelege binasınnan yıraq bulmağan blok-post yanında yañğırağan. Quşma ştatlar xärbi citäkçelege wäkile Mark Kimmit şartlawnı minalanğan maşinadağı intixar terrorçı yasağan dip belderde. İzzedin Sälim iseme belän bilgele Otman Möxämmät, Dawa häm Basradağı şıği islam xäräkäte citäkçese bulğan. Yevropa berlege citäkçelärennän tışqı säyäsät mäsälälären alıp baruçı Havier Solana, Brüsseldä Yevropa berlegenä kergän illärneñ tışqı eşlär ministrları qarşında çığış yasap, Ğiraqtağı waqiğağa dä qağıldı:

"İleneñ kiläçägen xalqı üze qayğırtqan Ğiraq öçen, kürşelär belän yaxşı mönäsäbättä bulğan Ğiraq öçen, iñ möhime böten qalğan, totrıqlılıq saqlanğan Ğiraq öçen barıbız da qızıqsındıru belderä dip uylıym. Bu bezneñ maqsatıbız häm anı tormışqa aşıru öçen bez bar köçebezne dä quyaçaqbız."
XS
SM
MD
LG