Accessibility links

New York Times:AQŞ xärbi küzläw ofitserları , xärbi politsiägä soraw alu ısulları turında kürsätmä birgän


Ğıraqlı totqınnarnı ezärlekläw turındağı cäncal däwam itä.New York Times gazetası yazuına qarağanda ,Abu Ghraib törmäsendä soraw alu öçen cawaplı ofitser, küzläw ofitserları qayçaqta xärbi politsiägä soraw aluğa äzerlek ısulları turında kürsätmä birde dip beldergän. Bu mäğlümät totqınnar skandalın tikşergän general Antonio Tagubanıñ xisabında bar.

Bilgele bulğança general Antonio Taguba ğıraqlı torqınnarnıñ ezärleklänü mäsäläsen tikşerä. Abu Ghraib törmäsendä sorau alu öçen cawaplı ofitser polkovnik Thomas Pappas general Tagubağa 11nçe fevraldä birgän ängämäsendä , küzläw ofitserları soraw aludan elek qayçaqta ğıraqlı totqınnarnı tişenergä mäcbür itü, bäyläp quyu kebek ısullar qullanuları öçen xärbi politsiägä kürsätmä birde dip äytsä dä ,ul bu çaralar tik möhim säbäp bulsa ğına ğämälgä quyıldı dip beldergän.Polkovnik Pappasnıñ bu süzläre Tagubanıñ 6meñ säxifälek yäşren xisabında yazılğan.. Bu inde xärbi küzläw ofitserlarınıñ törmädä xärbi saqçılarnı soraw aluğa äzerläwdä yul kürsätkäneñ yuğarı däräcädä raslaw bulıp tora. Polkovnik Pappasnıñ ant itep birgän bu mäğlümäten NYT gazetasına xökümät räsmie uqıp birgän. Polkovnik Pappasınıñ tasvirlağan soraw alu ısulı Jeneva konvensiäse belän saqlanğan totqınnarğa qarata qullanılğan. Quşma Ştatları Ğıraqta amerikannar tarafınnan qulğa alınğan qayber ğıraqlılarnı qanunsız suğışçılar dip iğlan itü planınnan aylarça elek wazkiçkän. Bu turıda düşämbedä xärbi räsmilär belderde. Ğıraqtağı totqınnarnıñ berse dä qanunsız suğışçı statusında tügel. Bu inde çit il suğışçıları häm Al Qaida äzğaları Ğıraqta qulğa alınsa alar da qulğa alınğan qıraqlılar kebek suğış äsire, yäğni Jeneva konvensiäse tarafınnan yaqlanğan sanala. Abu Ghraibta xärbi küzläw räsmiläre häm sivil soraw aluçılarnıñ rolen , armiä küzläw bülege citäkçeseneñ urınbasarı general mayor George Fay tikşerergä däwam itä. General Taguba polkovnik Pappasqa saqçılar üzlärenä birelgän kürsätmälärne läkin kürsätmäneñ çigen añladımı, yäki kürsätmälär zakonlımı digän mäsäläne kontrol öçen nindi çaralar kürelgän ide dip sorağan. Polkovnik Pappas bu sorawğa närsä barganın kontrol öçen bernindi räsmi sistema yuq ide digän cawap qaytarğan .Pappas minem belüemçä xärbi politsiägä soraw aludan elek bäyläp quyu, tişenergä mäçbür itü kebek kürsätmälär här waqıt tügel ä nindider möhim säbäp bulsa ğına birelde dip söylägän. General Taguba üz xisabında polkovnik Pappas ğıraqlı totqınnarnı kimsetkän,ezärleklägän keşelär öçen yä turıdan turı yädä öleşçä cawaplı digän näticägä kilgän. Düşämbedä saqlanu ministırlığınıñ ölkän räsmie Bagdad hava alanı yaqınındağı törmädä totılğan yuğarı däräcädäge totqınnarğa xäzer könsayın 3 säğättän artıq uramda könyaqtısında bulu röxsät itelä dip belderde. Fevral ayında Qızıl xaç komitetı AQŞnıñ yuğarı bäyä birgän 100 çamsı totqın aylarça izolatsiädä alar könneñ 23 säğätendä kön yaqtısı kürmi dip beldergän ide. Ministırılq räsmie Qızıl Xaç oyışması wäkilläre fevraldän soñ 2 märtäbä totqınnar yanında buldı häm alarnıñ wazğıiätenä qarata uñay fiker beyan itte dip belderde. Totqınnar arasında Traiq Aziz häm Saddamnıñ başqa kiñäşçeläre bar.

färidä xämit,praga
XS
SM
MD
LG