“Qaravon” – yazğı rus bäyräme Tatarstanda respublika külämendä küptän tügel ütkärelä başladı. Ämma elek-elektän ük, yazğı qır eşläre tämamlağannan soñ ütkärelä torğan bulğan. Layış rayonınıñ Nikol'skoe awılında böten tirä yaqtan qunaqlar cıyılğan. Keşelär äylän -bäylän-qaravonnarda äylängän. Bügenge bäyrämneñ dä iseme şul qaravonnardan kitkän. Küptän tügel fol'klorçı ğalimnärebez häm cır-biyu sänğäte entuziastları tırışlığı belän onıtılğan traditsiä ayaqqa bastı. “Qaravon” ğädäti awıl uyınınnan töbäkara däräcädäge rus fol'klor festivalenä kütärelde.
Respublika prezidentı M.Şäymiev ukazı belän yazğı rus bäyräme bıyıl 23nçe mayda ütkärelde. “Qaravon” rus fol'klor bäyräme uñayınnan prezident tatarstanlılarğa täbrikläw süzläre belän möräcäğät itte. Torğızılğan “Qaravon” Tatarstanda millätara tınıçlıq häm berdämlekkä, mädäniätlärneñ üzara tä'sir iteşüenä yärdäm itär, dip belderde prezident. Küp millätle xalqıbıznı, iñ elek balalar häm yäşlärne xalıqlar duslığı, Watanğa mäxäbbät ruxında tärbiäläwdä äxlaqi-estetik nigez bulır dip ışanam, dide.
Bıyıl äylän-bäylän -qarawonnarda respublikanıñ däwlät şurası räise F.Möxämmätşin qatnaştı. Bäyrämgä irtänge unda kilep citkän Däwlät şurasın häm anıñ delegatsiäsen festival'dä qatnaşuçı Qazannıñ häm respublika şähärläreneñ, şulay uq Udmurtiä, Mariy-El' respublikalarınıñ, Sverdlov ölkäse häm başqa töbäklärneñ üzeşçän sänğät kollektivlarınıñ cırları qarşı aldı. Şulay uq bäyrämdä älege kollektivlar qatnaşuında tamaşa kürsätelde. Tatarlarnıñ Sabantuy bäyrämenä tigezläşkän “Qaravon” bäyrämendä xalıq cır-biyu, uyın belän küñel açtı. Anda qatnaşuçılar fikerençä, älege bäyräm üz säläteñne täqdim itü häm aralaşu öçen bik uñaylı.
F.Möxämmätşin üzeneñ çığışında Nikol'skoe awılınıñ xalqına Tatarstan mädäniätenä zur öleş kertügä räxmäten belderde häm awılnıñ “Qaravon” ansamble äğzälärenä bizäkle samovar büläk itte.
Respublika xalıqlarınıñ küp ğasırlı traditsiäläre arasında “Qaravon” rus mädäniäteneñ törlelegen, baylığın, anıñ tirän tarixi tamırların kürsätä häm rus mädäniäteneñ üzenä kürä vizit kartoçkasına äylände. “Qaravon” festivale respublikada 12nçe tapqır uzdı. Älege bäyräm turında Tatarstannan çittä yäşäwçelär dä yaxşı belä. Nikol'skoe awılında ütkän “Qaravon” festivalendä Rusiä töbäklärennän fol'klor kollektivları qatnaştı.
Al'bina Zäynulla, Qazan.
Respublika prezidentı M.Şäymiev ukazı belän yazğı rus bäyräme bıyıl 23nçe mayda ütkärelde. “Qaravon” rus fol'klor bäyräme uñayınnan prezident tatarstanlılarğa täbrikläw süzläre belän möräcäğät itte. Torğızılğan “Qaravon” Tatarstanda millätara tınıçlıq häm berdämlekkä, mädäniätlärneñ üzara tä'sir iteşüenä yärdäm itär, dip belderde prezident. Küp millätle xalqıbıznı, iñ elek balalar häm yäşlärne xalıqlar duslığı, Watanğa mäxäbbät ruxında tärbiäläwdä äxlaqi-estetik nigez bulır dip ışanam, dide.
Bıyıl äylän-bäylän -qarawonnarda respublikanıñ däwlät şurası räise F.Möxämmätşin qatnaştı. Bäyrämgä irtänge unda kilep citkän Däwlät şurasın häm anıñ delegatsiäsen festival'dä qatnaşuçı Qazannıñ häm respublika şähärläreneñ, şulay uq Udmurtiä, Mariy-El' respublikalarınıñ, Sverdlov ölkäse häm başqa töbäklärneñ üzeşçän sänğät kollektivlarınıñ cırları qarşı aldı. Şulay uq bäyrämdä älege kollektivlar qatnaşuında tamaşa kürsätelde. Tatarlarnıñ Sabantuy bäyrämenä tigezläşkän “Qaravon” bäyrämendä xalıq cır-biyu, uyın belän küñel açtı. Anda qatnaşuçılar fikerençä, älege bäyräm üz säläteñne täqdim itü häm aralaşu öçen bik uñaylı.
F.Möxämmätşin üzeneñ çığışında Nikol'skoe awılınıñ xalqına Tatarstan mädäniätenä zur öleş kertügä räxmäten belderde häm awılnıñ “Qaravon” ansamble äğzälärenä bizäkle samovar büläk itte.
Respublika xalıqlarınıñ küp ğasırlı traditsiäläre arasında “Qaravon” rus mädäniäteneñ törlelegen, baylığın, anıñ tirän tarixi tamırların kürsätä häm rus mädäniäteneñ üzenä kürä vizit kartoçkasına äylände. “Qaravon” festivale respublikada 12nçe tapqır uzdı. Älege bäyräm turında Tatarstannan çittä yäşäwçelär dä yaxşı belä. Nikol'skoe awılında ütkän “Qaravon” festivalendä Rusiä töbäklärennän fol'klor kollektivları qatnaştı.
Al'bina Zäynulla, Qazan.
