Accessibility links

Кайнар хәбәр

Amnesty İnternational AQŞnıñ terrorçılıqqa qarşı köräş ısulların tänqitläde


Xalıqara amnistiä oyışması , xalıqara terrorçılıq belän köräştä Quşma Ştatlarğa “ğömümkeşelek qäğidäläre citep betmi “dip belderä. Bu oyışmanıñ general sekretare İren Xan: “ Ägär dä soñğı unike ay waqíğalarına küz salsaq, suğış barğan bu dönyada keşe ğömereneñ bäyäse kimegänen küräbez. Ber yaqtan qorallanğan törkemnär bernindi gäyepsez keşelärgä qarata teläsä nindi qurqınıç çaralar qullana, ikençe yaqtan, şuşı törkemnär belän köräş alıp baru dip, xökümät keşe xoquqların häm ğömüm dönya prinsipların bozarğa äzer tora, dip belderde Xalıqara amnistiä oyışması citäkçese İren Xan.

“Xalıqara amnistiä” oyışması qabatlap, Rusiä gäskärläre Çeçnyäda keşe xoquqların boza dip belderä. Xoquq yaqlawçılarnıñ yıllıq xisabında, Çeçnyädağı xärbilär cinayätläre cawapsız qalu belän faydalanalar, dip assızıqlanğan. “Xalıqara amnistiä” oyışması şulay uq, çeçen separatçıları da keşe xoquqların boza, çönki alar eş qına siwil keşelärgä höcüm itä dip saní.
XS
SM
MD
LG