Cirle oppozitsion basmalar äytüençä, alar küktä Vsevıyşniydan ölkäneñ sotsial'-iqtisadi xälen yaxşırtuda yärdäm sorap häm şaytannarnı quıp yörgännär.
Şul arada Ölkä administratsiäse häm Meriä qarşında Toraq xucalıqnıñ tariflarnı 2 märtäbä arttıruına qarşı miting uzdı. Bu çara häm ölkägä qağılışlı başqa xäbärlär sişämbe könne (iyünneñ 2се) Mäskäw mäğlümat çaralarınıñ da iğtibar üzägendä buldı.
Tatarstan belän Sember ölkäsen quşıp, İdel-Qama gubirnası buldıru turındağı niätlärgä Sember xalqınıñ küpçelege qarşı çığa.
Fatir öçen tüläw tarifların kisken kütärügä xalıqnıñ kire mönäsäbäte xoquq saqlaw orğannarı iğtibarın dä cälep itte. Ölkä prokuraturası bu qararnı kire qaqtı häm Kommunal' xucalıq citäkçelegenä qarşı cinayät eşe dä açtı.
NPSR (Xalıq patriotları berlege) häm profsoyuzlar rizasızlıq aksiäläre oyıştırdılar. İñ zur çara – ğomum miting Ölkä xakimiäte qarşında başlandı. Anda NPSR wäkilläre genä qatnaştı. Mitingnıñ meriä binası qarşındağı däwamında profsozlar da quşıldı. NPSRnıñ töp taläpläre - gubernator häm mernı ğına tügel, Putin xakimiäten dä otstavkağa cibärü.
Ayıruça iğtibarğa layık ber küreneş. NPSR häm RSFSR flagları arasında tribunada Yarımaylı yäşel möselman bayrağı da cilferdäp tordı. Mitingnı alıp baruçı KPRF citäkçese Aleksandr Kruglikov Milli mäcles wäkilenä dä süz birde häm milli-mädäni mänfäğätlärne qanäğätländerü kiräklegen dä äytte.
Soñğı arada Semberdä gubirnalar sanın 28гә qadär kimetü, Sember ölkäse belän Tatarstannı quşıp, İdel-Çulman (Qamsqo-Voljskaya) ğubirna buldıru turında süzlär quyıra başladı. İmeş, Çuaşstan, Mari ile, Kirov ölkäse - Yuğarı İdel (Verxnevoljskaya), Mordowiä belän Nijgar – Urta urıs (Srednerusskaya), Samar, Sarıtaw, Penza ölkäläre Urta İdel (Srednevoljskaya) ğubirnalarına berläşäçäklär.
Sember qalasında urıslarnıñ da, tatarlarnıñ da küpçelege mondıy ğämällärgä qarşı toraçaqların belderälär. Döres, yaqlawçılar da bar. Tik alar, millätenä qarap, törle säbäplär belän nigezlilär üz qaraşların. Urıslar öçen – Tatarstan uñışları nigezendä yaxşıraq yäşäw bulsa, tatarlarnıñ töp xıyalı – Tatarstan tä'sire astında Sember ölkäse cirlärendä dä ana telenä qarata mönäsäbätneñ üzgärüenä ömetlänü.
“Azatlıq” radiosı, Ayrat İbrahim, Sember.
