Republíkta başqort xalqınıñ milli batırı isäplängän Salawat Yulayıvnıñ tuuına 250 yıl tuluğa bağışlanğan çaralar başlanıp kitte. Älege çaralar yün ayı buyı baraçaq häm alar, Başqortstan çiklärendä genä qalmíça, Estonída häm başqa töbäklärdä dä oyıştırılaçaq.
3 yün könne Ufada Başqortstan Däwlät Cíılışı yortında «Salawat Yulayıv tormışında häm ícatında azatlıq ideyäse» dip atalğan temğa Bötenrusiä fänni – ğämäli konferensísı bulıp ütte. Anda Mäskäwdän häm başqa şähärlärdän dä baytaq qına ğälimnär kilgän.
Konferensída berençe süzne alğan Däwlät Cíılışı – Qorıltay räise Qonstantin Tolqäçev Salawat Yulayıvnıñ şäxeseneñ böyeklegenä, anıñ xalıq azatlığı öçen qılğan batırlıqlarınıñ ähämiätenä tuqtaldı. Annan soñ çığış yasağan republík witse – premierı Xäläf İşmoratov ta, zur doqladlar äzerlägän başqa ğälimnär dä şulay uq Salawat Yulayıvnıñ zur şäxes buluın täkrarladı.
Soñğı yıllarda qayber urıs ğälimnäre Salawat Yulayıvnıñ ruxi yulbaşçısı sanalğan Yemelyän Puğäçev şäxesen tiränten öyränep, anıñ xaqında moñarçı tarix bitlärendä yazıla kilgän maqtaw süzlärenä qapma – qarşı torğan bäyälämäle fänni eşlär yazdı. Alardan kürenüençä, Puğäçev xalıq azatlığı öçen köräş alıp barğan batır polqowodes bulıp tügel, ä urıslar üzläre äytergä yaratqança, «bandit s bol'şoy doroğí» ğına bulğan. Şulay bulğaç, anıñ yarannarınıñ berse Salawat Yulayıv ta nindider cinayätçe genä bulıp çığamıní, digän soraw tuuı tabiği. Älbättä, Salawat Yulayıvnı da qayber ğälimnär artıq maturlap, yaltıratıp kürsätelüçe, kübräk legendalar belän törelgän ber keşe bularaq qına qabul itä. Ämma başqort tarixçı – ğälimnäreneñ zur küpçelege mondí qaraşlarğa kisken qarşı çığa. Alar Salawat Yulayıvnıñ matur yözen saqlap qalu häm anıñ danın dönyağa tağın da kiñräk taratu öçen cannarın da birergä äzer. Monı Ufada ütkän älege konferensídağı çığışlardan da sizärgä mömkin ide. Ğälimnär Marat Qolşäripov, Rozalí Soltangäräyewä häm başqalar üz doqladlarında Salawat Yulayıvnı ilahi ber zat itep kürsätergä tırıştı. Tänäfes waqıtında jurnalistlar belän aralaşqanda folklor belgeçe, tanılğan ğälimä Rozalí Soltangäräyewä, misal öçen, menä mondí fikerlären äytte.
(awdio)
Sez tanılğan başqort ğälimäse Rozalí Soltangäräyewänıñ milli batır sanalğan Salawat Yulayıv xaqındağı fikerlären işettegez.
Fänni – ğämäli konferensída qatnaşuçılar comğa könne üz eşlären Salawat Yulayıvnıñ tuğan yağı Salawat rayonında däwam itte. Alar anda milli batır belän bäyle urınnarnı qarap yörde häm yübileyğä bağışlanğan mädäni çaralarda qatnaştı.
Fänis Fätxi, Ufa.
3 yün könne Ufada Başqortstan Däwlät Cíılışı yortında «Salawat Yulayıv tormışında häm ícatında azatlıq ideyäse» dip atalğan temğa Bötenrusiä fänni – ğämäli konferensísı bulıp ütte. Anda Mäskäwdän häm başqa şähärlärdän dä baytaq qına ğälimnär kilgän.
Konferensída berençe süzne alğan Däwlät Cíılışı – Qorıltay räise Qonstantin Tolqäçev Salawat Yulayıvnıñ şäxeseneñ böyeklegenä, anıñ xalıq azatlığı öçen qılğan batırlıqlarınıñ ähämiätenä tuqtaldı. Annan soñ çığış yasağan republík witse – premierı Xäläf İşmoratov ta, zur doqladlar äzerlägän başqa ğälimnär dä şulay uq Salawat Yulayıvnıñ zur şäxes buluın täkrarladı.
Soñğı yıllarda qayber urıs ğälimnäre Salawat Yulayıvnıñ ruxi yulbaşçısı sanalğan Yemelyän Puğäçev şäxesen tiränten öyränep, anıñ xaqında moñarçı tarix bitlärendä yazıla kilgän maqtaw süzlärenä qapma – qarşı torğan bäyälämäle fänni eşlär yazdı. Alardan kürenüençä, Puğäçev xalıq azatlığı öçen köräş alıp barğan batır polqowodes bulıp tügel, ä urıslar üzläre äytergä yaratqança, «bandit s bol'şoy doroğí» ğına bulğan. Şulay bulğaç, anıñ yarannarınıñ berse Salawat Yulayıv ta nindider cinayätçe genä bulıp çığamıní, digän soraw tuuı tabiği. Älbättä, Salawat Yulayıvnı da qayber ğälimnär artıq maturlap, yaltıratıp kürsätelüçe, kübräk legendalar belän törelgän ber keşe bularaq qına qabul itä. Ämma başqort tarixçı – ğälimnäreneñ zur küpçelege mondí qaraşlarğa kisken qarşı çığa. Alar Salawat Yulayıvnıñ matur yözen saqlap qalu häm anıñ danın dönyağa tağın da kiñräk taratu öçen cannarın da birergä äzer. Monı Ufada ütkän älege konferensídağı çığışlardan da sizärgä mömkin ide. Ğälimnär Marat Qolşäripov, Rozalí Soltangäräyewä häm başqalar üz doqladlarında Salawat Yulayıvnı ilahi ber zat itep kürsätergä tırıştı. Tänäfes waqıtında jurnalistlar belän aralaşqanda folklor belgeçe, tanılğan ğälimä Rozalí Soltangäräyewä, misal öçen, menä mondí fikerlären äytte.
(awdio)
Sez tanılğan başqort ğälimäse Rozalí Soltangäräyewänıñ milli batır sanalğan Salawat Yulayıv xaqındağı fikerlären işettegez.
Fänni – ğämäli konferensída qatnaşuçılar comğa könne üz eşlären Salawat Yulayıvnıñ tuğan yağı Salawat rayonında däwam itte. Alar anda milli batır belän bäyle urınnarnı qarap yörde häm yübileyğä bağışlanğan mädäni çaralarda qatnaştı.
Fänis Fätxi, Ufa.
