M.B.Çirattağı şimbä matbuğat küzätüendä bez sezne tatarça çığa torğan balalar jurnalları belän tanıştırırbız.Tatarstanda «Sabıyğa», Salawat küpere», «Yalqın», häm Başqortstanda bıyıl ğına çığa başlağan «Ällüki» jurnalları turında söylärgä bez tapşıruğa, äle küptän tügel genä Tatarstannıñ Mäğärif ministrlığı yärdämendä, Tatarstannıñ Tuqay rayonında urnaşqan 15mäktäbendә ädäbi-muzıkal' oçraşularda qatnaşqan şağirä Näcibä xanım Safinanı çaqırdıq. Ul mäktäplärdä Näcibä Safinanıñ ike kitabın täqdir itü buldı. Anıñ berse keçkenä balalar öçen “Qamqa häm yafraq qapqa” dip atalğan bulsa , ikençese “Bez- şiğer, tormış- proza ”dip atala.Ä xäzer süzne Näcibä Safinanıñ üzenä birik . «Sabıyğa», «Salawat küpere», «Yalqın» jurnalları Tatarstanda çıqsa, «Ällüki» jurnalı Başqortstanda äle bıyıl ğına çığa başladı. Bu jurnallarğa xas närsä şul, alar barısı da bik matur itep bizälep çığarılğannar.«Sabıyğa » jurnalınıñ tışlığında Alla Aysina räseme härkemne yılnıñ teläsä qaysı fasılınnan yazlarğa qaytarırlıq.Rus häm tatar tellärendä çıqqan bu jurnalda S.Marşak , Ğ. Tuqay şiğerläre dä bar.Xalıq äkiätläre belän berrättän, xaywannar dönyasınnan da qızıqlı mäğlümatlar birelä. Tatar telenä öyränü däresläre dä balalarda qızıqsınu uyata. «Sabıyğa» jurnalı «Miras» jurnalına quşımta bulıp 1994 yıldan başlap dönya kürsä, «Ällüki» jurnalı Başqortstanda çığuçı «Qızıl tañ» gäzitenä quşımta bulıp äle 2004 yılda ğına tatar balalarına barıp ireşte.Bu jurnalnıñ soñğı sanında Baltaç rayonınnan bik tä qıyu malay Denis Sabirovnıñ «Häläkätkä oçrağannarnı qotqarğanı öçen»medalen Başqortstan Prezidentı qulınnan alğanı turında mäqälä bastırılğan. «Ällüki»neñ tirajı 3мең yarımğa citä ikän. Anıñ indeksı 50709. Äle jurnalğa yazılu däwam itä.«Salawat küpere» jurnalı 1990 yıldan ğına dönya kürde.Anıñ möxärrire tanılğan prozaik Zinnur Xösniar. Rässamı Färit Mullaxmät. Jurnalnıñ soñğı sanında basılğan xalıq şağire İldar Yuzeevnıñ «Cide malay, ber patşa» dip atalğan şiğere bik aktual' yañğıraşlı bulıp toyıldı miña. «Salawat küpere»neñ ciñü ayına bağışlanğan sanında arabızdan kitkän Sibğät Xäkim, Musa Cälil, Abdulla Alış şiğerläre dä, bügenge köndä isän-saw icat itüçe yazuçılarıbız Rädif Säğdi, Läbib Leron, Marsel' Ğaliewlarnıñ äsärlären uqığan ölkännär dä, tıñlağan nänilär dä, tatar şağirläreneñ icat cimeşe belän tanışırlar.«Yalqın»da bıyıl «Söyembikä beläzege»belän büläklängän yazuçı Näzifä Kärimovanıñ «Şämsiwafa äbi göle» isemle xikäyäse iğtibarnı cälep itä.Ä Qazan däwlät pedagogika universitetı professorı, pedagogika fännäre doktorı Änwär Xucaxmätovqa birelgän sorawlarğa, möğayın, här yäşüsmer üze dä cawap birep qarağandır. Jurnalda yäş'şağir Lenar Şäyexnıñ Ğamil Avzal turında «Şağir belän soñğı söyläşü» digän mäqäläse bulsa, «Kesädäge ber telem ipi...» dip isemlängän pensiädäge uqıtuçı Ğabdraxman Xämidineñ mäqäläse dä urın alğan. Mälikä Basıyr: Jurnalda tağın ber :«Xäterlim min güzäl bu «Mizgel»ne!» digän mäqälä iğtibarnı cälep itä. Anıñ avtorı Al'bina Wälieva cäydä tatar yäşläre lagerında yal itkän waqıtların sağınıp söyli.Näcibä Safina süzeneñ axırında ata-analarğa, äbi-babaylarğa, möğällimnärgä möräcäğät itep:«Balalarığız yuğarı äxlaqlı bulıp tärbiälänsen disägez, alarnı gazeta-jurnallardan mäxrüm itmägez. Matbuğat, ul- tärbiä eşendä sezneñ iñ zur yärdämçegez »- dide.Xörmätle radio tıñlawçılar.Şuşınıñ belän bez matbuğat küzätüen tämamlıybız.Balalar öçen tatar telendä çığuçı «Sabıyğa» , «Salawat küpere» , «Yalqın», «Ällüki» jurnalları turında sezgä Näcibä Safina söyläde.Tapşırunı alıp bardı Mälikä Basıyr, Qazan.