Mäskäwneñ xärbi okrug mäxkämäse "Moskovskiy komsomoles" gazetası jurnalistı Dmirtiy Xolodovnı üterüdä ğäyeplängännärneñ barısın da aqladı.
Xäkimnär, General prokuratura mäxkämägä tartılğannarnıñ ğäyeplärenä inandırğan dälillär kitermäde, dip beldergän. Xolodovnıñ äti-änise mäxkämäneñ bu qararı belän rizalaşmıy, Yevropanıñ keşe xoquqları mäxkämäsenä möräcägät itärgä niätli. Xolodovnı üterüdä 6 keşe ğäyeplängän ide. Şularnıñ berse Rusiä hawa desantı ğäskärläreneñ küzläw başlığı Pavel Popovskix. Jurnalist 1994 yılnıñ 17 üktäberendä bomba şartlawınnan hälaq buldı.