Rossiädä bügen veterannarğa, qaysıber kategoriä pensionerlarğa qaralğan l'gotalarnı 2005nçe yıldan aqçalata tüläwgä küçerü turındağı qanun proyektın Udmurtiä citäkçeläre dä, ğadi xalıq ta telennän töşermi. Bu temağa qağılğan sorawlarnı jurnalistlar törle kiñäşmälärdä törle citäkçelärgä yulladılar. Respublika xakimiäteneñ sotsial' mäs'älälär buyınça urınbasarı Xarina bolay añlattı.
—audio—
Profsoyuzlar başlığı Orlov xuplap ta betermi ul proyektnı, qarşı da tügel
—audio—
Layıqlı yalda buluçılar häm älegä taşlamalar belän qullanuçılarnı bu xäl qayğığa saldı. Bolay da aylıq pensiä aqçasın oçın oçqa yalğarğa citkerä almağan ölkännär kiläçäktä niçek yäşärbez dip uftana. 75 yäşen tutırğan, 14 yäştän zavodta eşçe xezmäte belän tanışa başlağan, 90nçı yıllarda Udmurtiä tatarların oyıştırıp, ictimaği üzäk tözegän Mäsgut ağa Ğaratuyıv bu qanun proyektına qarşı. Monı ul bolay añlata.
—audio—
Şul uq waqıtta veterannar ul taşlamalarnı ni säbäple ala almayaçaqların dälilläp, Mäsgut Waxit ulı berniçä fikeren dä citkerde.
—audio—
Mäsgut Ğaratuyıv şuşındıy qanunnarnı qabul itü aldınnan xalıq belän kiñäşläşergä, xätta referendum da uzdırılırğa tieş digän fikerdä.
İkençe ber millättäşebez, Fändüs Xucin, ul xärbi pensioner, şulay uq älege dokumentqa qarşı buluın belderde. Fändüs Ziä ulı bu fikeren bolay dälilläde. Xärbi pensionerlarğa taşlamalarnı inde yuq itep, alarğa kompensatsiä tüläw qaralsa da, ämma anıñ l'gotalarğa qarağanda küpkä az buluı belän rasladı, häm östäp, ildä balalarğa posobielär tüläw dä tieşle däräcädä quyılmawın kiterde, ul aqçanı alu öçen analarğa küpme beleşmälär cıyıp, çiratlarda torıp, waqıtın sarıf itärgä kiräk dip dälilläde üz fikeren.
—audio—
Veterannarğa taşlamalarnı aqçalata tüläwgä küçerügä qarata Mäsgut Ğaratuyıv häm Fändüs Xucin fikerlären işettegez.
Rossiä Federatsiäseneñ Veterannar turında qanunı buyınça federal' byudjettan häm Udmurtiä byudjetınnan ütkän yılda häm ağımdağısına küpme aqça bülenep birelüe turında respublikanıñ sotsial' yaqlaw ministrlığı xezmätkärlärennän cawap alıp bulmadı.
Xämidä Ğäyfullina, «Azatlıq» radiosı, Udmurtiä.
