Accessibility links

Portugaliädä Euro 2004 futbol bäygese başlandı


Şimbä könne Portugaliädä Yevropa Berençelege başlandı. 3 atna baraçaq yarışmada 16 il qatnaşa. Uyınnar törle şähärlärdä ütä. 10 stadionnı yañartu öçen Portugaliä millionlağan aqça tottı. Räsmilär köçäytelgän iminlek çaraları kürelä. 4 yıl elek Belgiädä ütkän çempionatta Anglia fannarı tärtipsezleklär oyıştırğan ide. 2 meñläp Anglia fanı bıyıl xättä ilennän çığarılmağan. Şulay da alarnıñ 30 meñläbe Portugaliägä kilgän:

Audio (Anglia fannarı tawışı)

İrtägä Anglia berençe uyında xäzerge Yevropa çempionı Fransiä belän oçraşa.

Kilgän xäbärlärgä qarağanda Portugaliädä çığışı belän ğäräp bulğan 15 keşe qulğa alınğan. Alar viza tärtiben bozuda ğäyeplänä, teror belän bäyle bulırğa mömkin, digän farazlar da bar.

Berençe uyında Portugaliä belän Gretsiä oçraşa. Qayberwlär qır xucaların favoritnıñ berse dip sanıy. Portugaliäneñ elekke yoldızı Eusebio, küp närsä berençe uyında uq xäl iteläçäk dide:

Audio (Eusebio)

"Bezneñ komandada yaxşı uyınçılar bar, yäşlär dä, Figo, Rui Costa kebek qartraqlar da. Bu yaxşı komanda. Häm Gretsiä belän berençe uyın bik möxim."

Portugaliä trenerı Luiz Scolari ike yıl elek Braziliäne dönya çempionı itkän keşe, xäzer dä bez bik köçle basım astında, bezdän küplär ciñü kötä di:

Audio (Luiz Scolari)

"Başqa il trenerları bezdän aldan uq favorit yasap bezgä zur cawaplılıq sala, basım yasıy, gärçä, härberse älbättä üze ciñergä teli. Bez monı beläbez, häm bu xäylägä bireşmibez."

Şimbä könne ikençe uyında Rusiä belän İspaniä oçraşa. Yarışma 3 atna baraçaq. Final uyını başqala Lissabonda Yülneñ 4endä ütäçäk.

Ali Gilmi, Praga
XS
SM
MD
LG