Accessibility links

Кайнар хәбәр

Yevropa Parlamentına saylawlarda xakimiättäge partiälärneñ kübese ciñelü kiçerde


Uzğan atna axırında Yevropa Parlamentına ütkän saylawlarda, Yevropa Berlegenä kergän illärneñ kübesendä xakimiättäge partiälär ciñelü kiçerde. Maynıñ 1endä Berlekkä 10 yaña äğza quşılğannan soñ, saylawlar berençe tapqır beryülı 25 ildä ütte. Tawış birüdä qatnaşuçılar sanı moñarçı bulmağan tübän däräcägä töşte. Britan tışqı eşlär eşlär ministrı Jack Straw, bu näticäne Yevropa-küläm protest belderü dip atadı:

Audio (Jack Straw)

"Bar Yevropa buylap xakimiättäge partiälärgä protest belderelde. Barı tik Britaniädä genä opozitsiädäge partiä dä yuğaltu kiçerde. 1999 yıl belän çağıştırğanda Konservativlar partiäse, bezdän, Leyboristlardan da zurraq yuğaltuğa duçar buldı."

Xakimiättäge partiälär barı tik İspaniä, Gretsiä häm Slovakiädä ciñä aldı. Berlekkä kergän 25 ildä saylaw xoquqı bulğan 350 million keşeneñ, tawış birüdä, küp digändä 45 protsentı qatnaşqan. 1979 yıldan birle bu iñ tübän kürsätkeç.
XS
SM
MD
LG