Accessibility links

Кайнар хәбәр

Yevropa Berlege İrannı xezmättäşlek itergä çaqıra


Yevropa Berlege İrannı, Xalıqara Atom Energiä İdaräse taläplären tulısnça ütärgä çaqırdı. Monıñ aldınnan ğına İran prezidentı Möxämmät Xatami, uran bayıtu eşlären yañartıp cibärü ixtimalın beldergän ide:

Audio (Möxämmät Xatami)

"Ägär İdarä bu qararın qabul itsä, bezne uran bayıtunı tuqatırğa möcbür itkän ber närsä qalmıy."

Yevropa Berlege belderüendä äytelgänçä, Berlek, İrannıñ, xalıqara säxnädä üz urının aluın teli, läkin monıñ öçen ul Xalıqara Atom Energiä İdaräse belän tulı xezmättäşlek itergä tieş. Quşma Ştatlarnıñ İdarädäge wäkile Kenneth Brill, süzlärençä, İran, üzeneñ uran bayıta başlaw niäte belän, İdaräne qurqıtırğa tırışa. Quşma Ştatlar İrannı, energiä tabu sıltawı belän yäşeren räweştä atom qoralı yasawda ğäyepli. İran bu ğäyepläwne kire qağa. Yevropa Berlege, İran belän säwdä häm yärdäm turındağı söyläşülären, atom programması mäsäläse xäl itelgänçe, tuqtatıp tordı.
XS
SM
MD
LG