25 ilneñ citäkçese Berlekneñ Konstitutsiäse tiräsendäge qarşılıqlarnı xäl itüergä tırışa. Uzğan yılnıñ dikäber sammitında, beryaqtan Fransiä belän Germaniä, ikençe yaqtan İspaniä belän Polşa arasında, tawış birü tärtibe mäsäläsendä bäxäs qupqan ide. Bügenge utırış başlanır aldınnan berniçä ilneñ citäkçese, bu yulı urtaq fiker tabılır, digän ömet belderde. Ämmä citäkçelär urtaq fikergä kilgän oçraqta da, yaña konstitutsiäne Berlekkä kergän 25 ilneñ härberse raslap çığarğa tieş. Qayber illär bu mäsälädä referndum ütkärergä cıyına. Berlek citäkçeläre şulay uq Yevropa Komissiäse prezidentı mäsäläsen xäl itergä tieş. Bu urınnı 5 yıl alıp torğan Romano Prodi'nıñ möddäte şuşı yılnıñ üktäberendä çığa. Anıñ urınına berniçä isem täqdim itelä, ämmä bu mäsälädä dä älegä urtaq fiker yuq.
