Accessibility links

Кайнар хәбәр

Başqortstan xatın qız oyışmaları citäkçeläre belän tügäräk östäl


Başqortstanda ber törkem xatın qız oyışmaları citäkçeläreneñ Rusiä xökümäte başlığına , yaña xökümättä xatın qızlar az buluına borçılu beldergän xat künderüe turında xabär itelgän ide. Ufadağı xabärçebez Rämzit Abulayev Başqortstan-Xatın qızları Berlege , Başqortstan xatın qızları cämğiäte citäkçese häm Başqortstan xatın qızları xäräkäteneñ eleke citäkçese belän ängämä qordı Yevropalı xatın qız tängäl xoquqlar alu öçen bik küptännän köräş alıp barsa da , gender tigezlege öçen köräş tuqtaludan bik yıraq . Yevropa cämğiätlärendä dä xatın qız ir at belän ber yk statusqa iä dip äytep bulmıy. Alar äle dä eçke häm xalıqara başqarma xakimiätendä yaxşılap wäkilçelek itelmi .Xatın qız arta barğan räweştä yuğarı belem alsa da , bu professional tormışta citärlek çağılmıy. Yevropa Berlegendä dä urtaça alğanda xatın qızğa ir atqa qarağanda 16% azıraq mäğaş tülänä. İllär xökümätlärendä xatın qızlarnıñ da küpläp utıruı tabiğıy xäl tügel . İn qızığı şunda cineslär tigezlege öçen küptännän tırışıp kilgän Yevropa komissiäsendä ştatnıñ 48%ın xatın qız täşkil itsä dä, yuğarı häm urta däräcädäge menecmentkä kilgändä bu prosent 17gä töşep kitä. . Töp säyäsi pozitsiälärdä xatın qıznıñ bulmawı cämğiätneñ barlıq äğzalarınıñ borçıluların çağıldırılmıy digän süz . Bu mäsälädä in alğa kitkän Skandinavya illärennän sannar kiterep ütäm. Finländiädä 200 deputatnıñ 74 xatın qız yäğni 37% xökümät ministırlarına kilgändä 18 ministırnıñ 8 yäğni ministırlarnıñ 44% xatın qız. Şwedsiä parlamentında 349 deputatnıñ 158 xatın qız bu inde paralemntnıñ 45% xatın qızlar digän süz. 22 ministırdan torğan xökümätneñ yartısı yäğni 11 ministır xatın qız. Norvegiägä kilgändä Parlament deputatlarınıñ 37% ä ministırlarnıñ 42% xatın qız . Cineslär tigezlege demokratiä belän qul totınışıp bara dip äyter idem.Şunlıqtan Başqortstan xatın qızlarınıñ Rusiä xökümätendä wäkillek itelmäwenä borçıluları bik tä añlaşıla . Xabärçebez oyıştırğan keçkenä tügäräk östälgä qatnaşuçı xörmätle xanımnarnı Başqortstan radiosı xezmätkäre Elza Yuldaşbayeva sezgä täqdim itä ä xäzer süzne Ufadağı xabärçebez Rämzit Abulayevqa biräm (audio) färidä xämit,praga
XS
SM
MD
LG