Berlin. German bundestagı bügen, urlanğan häm terror höcüme yasawda qullanu qurqınıçı tudırğan oçqıçlarnı ilneñ hawa kiñlegendä bärep töşerügä yul açqan qanunnı xupladı. Älege qanun ğinwar ayında, Frankfurt şähärendäge aqılğa say ber keşeneñ keçkenä oçqıçnı urlap şähärdäge yuğarı binalarğa bärelü belän yanawınnan soñ täqdim itelgän ide. Qanun ilneñ saqlanu ministrına, ul bulmağan oçraqta, tışqı eşlär ministrına, soñğı çara bularaq, terror qurqınıçı tudırğan oçqıçnı bärep töşerü ämeren birüne röxsät itä.
