Qabul. Äfğanstannan alınğan xäbärlärgä qarağanda, cirle qorallı törkemnär kiçä başlanğan cualışlarda Ğor wilayäte başqalası Çagçaran şähären yawlap alğannan soñ, wilayät xakime häm üzäk xökümät wäkilläre annan ilneñ İran çige yanındağı Hirat şähärenä qaçıp kitkän. Çagçaran başqala Qabuldan 220 çaqrım könbatışta yata. Andağı bäreleşlär turında radiobızğa cirle politsiä köçläre başlığı general Zaman xäbär itte. Anıñ süzlärenä qarağanda, suğışlarda berniçä keşe hälak bulğan. Ul Qabuldağı üzäk xökümättän, wilayätkä östämä köçlär cibärüne ütenä. Äfğanstannıñ saqlanu ministrlığı wäkile general Azimi, prezident Xämid Qarzai irtägä bu uñaydan ğädättän tış oçraşu ütkäräçäk dip belderde.
