Maxaçqala. Bilgesez höcümçelär bügen Dağstan başqalasında, Rusiä televideniä häm radio şirkäteneñ cirle bülekçäse başlığı Tağip Abdusamatov utırğan maşinağa ut açıp, anı qatı yaraladı. Dağstan eçke eşlär ministrlığı wäkile, şuşı höcüm Maxaçqalanıñ üzäk bazarı yanında yasaldı dip xäbär itte. Abdusamatovqa ut açqan keşelär maşinağa utırıp qaçqan, ä anıñ xäle bik awır dip belderelä.