Dähli. Bügen, biredä ike kön däwamında barğan söyläşülär azağında Hindstan wä Pakstan räsmi wäkilläre urtaq belderü qabul itep, ike yaqnıñ da atom sınawların ütkärüne tuqtatıp toru xaqında kileşüen xäbär itte. Läkin şuşı kileşüdä alayda, yaqlarnıñ "ğädättäntış xällär" alar mänfäğätenä qurqınıç tudırğan oçraqta älege moratoridän çığıp toru ixtimalı da qaldırılğan. Hind häm Pakstan wäkilläre şulay uq, ike ilneñ tışqı eşlär ministrlıqları arasındağı "aşığıç elemtä"ne dä nığıtırğa buldı. Şuşı ike il atom sınawların berençe märtäbä 1998-nçe yılda ütkärgän ide.
