Accessibility links

Кайнар хәбәр

Rusiäneñ Soldat Anaları Komitetı Washingtonda brifing ütkärde


Uzğan atnada AQŞ Helsinki komissiäe Russiäneñ Soldat Anaları komitetınıñ ike väkile belän Washingtonda tıñlaular ütkärde. Şunda Çeçnädä suğış häm Rusisädä sivil cämğiät mäsäläse tikşerelde.

Soldat Anaları komitetınıñ citäkçese Valentina Melnikovanıñ belderüenä qarağanda, qayber illärdä säyäsi citäkçelär belän çämğiät väkilläre arasında sälämät dialog barğanda, Russiädä ul monolog. Anıñ süzlärençä, ildä prezident Putin häm anıñ administratsisenä kontr balans bulırlıq politik oppozitsiä dä bäysez media da yuq. Näticää il ber dä imin tügel.

Audio

Melnikova bu xaqta uzğan atnada AQŞ Helsinki Komissiäsendä ütkärelgän brifingta äytte. Soldat anaları komitetı 1989-nçı yılda oyıştı häm ul Russiä armiäsendä keşe xoquqlarınıñ bozıluın faş itü häm protest belderüe belän abruy qazandı. Komitet rekrutlarğa häm alarnıñ ata-analarınaq qanuni xaqları turında kiñäşlär belän yardäm itä. Ul şulay uq Kremlneñ Çeçnädäge xärbi qorbannar sanı turında döres mäğlümät birmävdä dä ğäyepli. Tübän Novgorod şähärendäge Soldat Anaları komitetın citäklägän Nataliä Jukova da bu brifingta qatnaştı. Anıñ süzlärneçä, ruslarnıñ küpçelege inde bişençe yıldır dävam itkän Çeçnä suğışınıñ küpmegä töşüe xaqında bixabär.

Audio

Jukovanıñ süzlärençä, komitet här yıl sayın diärlek 700 tiräsendä deseretorgä dä yardäm itä. Alar keşeleksez möğämälä, meditsina yardämeneñ kürsätelmäve, qıynaular häm qol kebek eşlätelüläre säbäple üz büleklärennän qaçuçılar. Ul da Melnikova da Çeçnä suğışı turında mäğlümätneñ bulmauı vazğiätne qıyınlaştıra. Küpçelek ruslar suğış turında bozıp kürsätelgän mäğlümät alalar häm bu çit il yallı ğäskärlärenä häm Al Qaeda büleklärenä qarşı suğış dip ışanalar dip belderdelär.

Audio

Melnikova Putin administratsiäsen suğışnı aqlau öçen propoganda kampaniäsen alıp baruda ğäyepläde häm Könbatış xökümätlären häm medianı Çeçnädäge aktivlığı öçen Kremldän xisap sormauın tänqitläde.

Audio

Melnikova tağı çit il citäkçelären solıxqa taba hiş bulmağanda qayber adımnar atlauı öçen Putingä basım yasarğa da ügetläde.

Färit İdelle, Praga.
XS
SM
MD
LG