Accessibility links

Кайнар хәбәр

Qazanda şvedlar Cäy urtasın bäyräm itte


Midsomer – şvedlarnıñ milli bäyräme Rusiädä 2000nçe yıldan başlap ütkärelä. İKEA şirkäte cibärgän xäbärdä äytelgänçä, Midsomer (Cäy urtası) bäyräme urmaslarnıñ İvan Kupala töne häm tatarlarnıñ Saban tuyında oxşağan. Midsomer – könneñ iñ ozın häm tönneñ iñ qısqa çağına turı kilä. İKEA şirkätendä eşläwçe şvedlar bu yıldan başlap älege bäyrämne Qazanda da ütkärergä bulğannar. Ul ütkän atna axırında, şirkätneñ Qazandağı kibetendä buldı. Bäyräm tantanalı töstä açılıp kitte. Anda İKEA şirkäte wäkilläre çığış yasadı, Qazandağı Şvetsiä üzäge äğzäläre häm alman cämğiäte wäkilläre buldı. Xäbärlärdä äytelgänçä, bergäläp, Cäy ağaçın bizäp, anıñ tiräli äylän-bäylän yörgännär. Cäy ağaçı – çäçäk häm lentalar belän bizälgän toyaqtan ğibärät ikän. Ul Cäy urtası bäyrämeneñ simvolı bulıp tora. Midsomer, Saban tuyı kebek, tuğannar oçraşa torğan bäyräm. Qaya ğına bulsa da, şvedlar ul Cäy urtası könnärendä tuğan yaqlarına qaytırğa, ğailäse belän bergä bulırğa tırışa. Borınğı ğädät, şvedlarğa Midsomer bäyrämenä baqalar turında balalar cırın başqarırğa häm çäçäk bäylämnäre belän bizälgän şuşı Cäy ağaçı tiräli biergä quşa. Bu baqalar cırın şvedlar bala çaqtan öyränä ikän, häm şved millätçe dip sanala torğan här keşe bu milli köyne belergä tieş, dip xäbär itelä matbuğat öçen äzerlängän mäğlümatlarda. Ütkän atna axırında ütkärelgän bu bäyrämdä şved häm alman milli cämğiätläre wäkillärennän tış, İKEA şirkäte satıp aluçıları qatnaşqan.

Şuşı bäyrämgä turı kiterep, İKEA şirkäte üzeneñ aşxanäsendä Midsomer bäyrämendä aşıy torğan milli aşlarnı täqdim itä häm tovarlarnı taşlama belän sata başlıy.

Bikä Timerova.
XS
SM
MD
LG