Accessibility links

Кайнар хәбәр

Äl-Zarqawi Ğiraqnıñ waqıtlı premier-ministrın üterü belän yanıy


Äl-Qaidä belän bäyle dip şiklänelgän Äbü Musab äl-Zarqawi Ğiraqnıñ waqıtlı premier-ministrı İyad Allawinı üterü belän yanıy:

Audio-yazma

Zarqawi tawışına oşağan bu audio-yazma bügen İslamçılarnıñ ber İnternet säxifäsendä dönya kürde. Yazmanıñ qayçan yasalğanı bilgesez. Çığışı belän İordannan bulğan Zarqawinı, Quşma Ştatlar, Äl-Qaidäneñ Ğiraqtağı wäkile dip sıny, häm anı eläkterügä kitergän mäglümät öçen 10 million dollar wäğdä itä. Ğiraqtağı berniçä xöcüm, häm dä soñğı Könyaq Korea eşquarınıñ başın kisü ğämäle öçen cawaplılıqnı näq menä Zarqawi keşeläre üz östenä aldı. Alarnı Falluca tiräsendä sıyına dip sanağan Quşma Ştatlar kiçä bu töbäkne hawa xöcümenä tottı. Näticädä kimendä 3 keşe haläk bulğan. Ämmä bügenge audio-yazmada Zarqawi'ğa oşağan tawış, "Min Fallucada tügel" dip belderä.
XS
SM
MD
LG