Accessibility links

Кайнар хәбәр

AQŞ NATO cıyınında Ğıraq öçen yardäm sorıyaçaq


Prezident G.Bush industriäläre alğa kitkän G-8lärneñ summitın yapqanda NATOnıñ Ğıraqqa bulışlıq kürsätüen telim dip äytkän ide.AQŞ citäklägän koalitsiä köçläre 5 könnän soñ xakimiätne waqıtlı Ğıraq xökümätenä tapşıra.28-29nçe iyündä İstanbulda bulaçaq Tönyaq Atlantik Xärbi Berektäşlegeneñ summitında Bush NATOnıñ Bagdadqa yardäm itüe öçen basım yasayaçaq.Ämma Allians yardäme Bush küzallağanıça kiñ külämdä bulmayaçaq dip xäzerdän yk äytep bula.

G.Bush NATO Ğıraqta närsä eşli ala digän mäsälädä realistik bulırğa tırışıp, Amerikada ütkän G-8lärneñ summitın yapqanda bolay digän ide (audio) Min NATO kübräk xärbilär cibärer dip kötmim . Bu realistik bulmas ide. Beräw dä moñı kötmi. Bez NATO bälkim dä Ğıraq iminlek xezmätkärlären künegüdän ütkärergä yardäm itär dip uylıybız. Moñı Ğıraq xökümäte sorıyaçaq dip äytkän ide. , Ğıraqnıñ waqıtlı premyere Allawi äğza illär citäkçelärenä künegü häm texnik yardäm sorap xat yazğannan soñ AQŞ älbättä NATOdan yardäm kötä. Däwlät sekretarı C.Powell çärşämbedä Ğıraqnıñ yaña partnörları bulaçaq dip işarä itte. Atnakiçtä Bushnıñ iminlek mäsälälärendäge kiñäşçese C.Rice prezident summitta waqıt yuğaltmıy Äfganstan wä Ğıraq öçen yardäm sorayaçaq dide Rice süzlärençä(audio) Prezident berençe bulıp NATOdan Äfgan missiäsen tulısınça yaqlawın sorıyaçaq. Andağı xällär borçılu tudıra. Annan ul premyer al Allawinıñ NATOdan sorağan texnik yardäm häm künegülär mäsäläsendä närsä eşlänä ala, şunı qarıyaçaq.Çönki ğıraqlılar üz eşlären üzläre başqarırğa teli. Ämma Rice NATOnıñ qaysı illäre bulışlıq kürsätäçäk älegä bilgele tügel dip äytkän ide (audio) Künegü eşlärenä niçä äğza il qanaşaçaq, belmim.Bez älbättä böten berektäşlekneñ yardäm itüen kürergä ömetlänäbez. NATOnıñ üzeneñ küpmillätle künegü urınnarı yuq, Äğza illär küp eşlärgä tieş bulaçaq dide. Rice Ğıraqnıñ üz politsiäse , qorallı köçläre belän kontrol urnaştıruı möhim , ämma bu künegü eşendä yardäm kürsätelmi ğämälgä quyıla almıy, künegülär öçen küp waqıt kiräk monıñ öçen NATOnıñ tizlektä cawap birüe zarur dip söyläde. Ul bigräk tä äle 15 yıl elek kenä sovet imperiäse tarafınnan kontrol itelgän NATOnıñ yaña äğzaları moxtaç ilgä bulışlıq kürsätüdä ''tarixi mömkinçelekkä iä'' dip äytte. Ämma xakimiätne ğıraqlılarğa tapşırırğa ber niçä kön genä qalğanda, kem niçek yardäm itäçäk bilgele tügel. NATO general sekretarı Skeferr kiçä Brüsseldä bu alians belän Allawi xökümäte arasında söyläşeläçäk dip äytep(audio) Min berektäşlek citäkçeläre İstanbulda Ğıraq iminlek köçlären nindider räweştä künegülärdän ütkärü turında qarar birer ,älbättä bu eş Ğıraq xökümäte belän kiñäşläşep äzerläner dide. NATO summitı öçen saylanğan İstanbulda kiçä aftobusta şartlatılğan bomba 4keşeneñ häläk buluına 18keşeneñ yaralanuına kiterde. Ankarada da bulğan şartlawda 3keşe cärähätlände, alarnıñ ikese politsiä. Anadolu agentlığı, xakimiätlär eşkä qatnaşuda şiklänelgän 3 keşene qulğa aldı dip xabär itte . Şartlawlar öçen beräw dä cawaplılıqnı üz östenä almadı.

färidä xämit,praga
XS
SM
MD
LG