İrtägä İstanbulda NATOnıñ yuğarı däräcädäge cıyını açıla. Bügen amerikan prezidentı George Bush kileşenä şähär uramnarına Quşma Ştatları häm xärbi berektäşlekneñ säyäsätenä qarşı şiğärlär totıp 40 meñgä yaqın keşe çıqqan ide.
İstanbulda NATO summitına iminek köçläre yuğarı äzerlek xälenä kiterelgän, xärbi oçqıçlar şähärneñ kük yözen kontrol itä, tärtip saqlaw eşenä 23 meñnän artıq polisiä xezmätkäre cälep itelgän. Amerikan prezidentın sälamläp, Tärkiä premyer-ministrı Recep Tayyıp Erdoğan, Bushnı üz ilendä kürergä şat bulğanın belderde: "Prezident Bush Quşma Ştatları citäkçese bularaq bezneñ ilgä äle berençe tapqır kilä, häm min bik şat. Oçraşular – Törkiä-Amerika Quşma Ştatları xezmättäşlege häm töbäktäge wazğiät öçen yaxşı näticä birer dip ışanam, xuş kildegez," dide Tärkiä premyer-ministrı.
