Ğiraqnıñ yaña premyer-ministrı Allawi, kiläse yılnıñ ğınwarında iminlek saylawlar ütkärerlek däräcädä bulmayaçaq, dip beldersä dä Amerika Quşma Ştatları saylawlarnı planlaştırılğança ütüen teli. Bu xaqta bügen prezident George Bush belän NATO summitına İstanbulğa kilgän Aq Yortnıñ matbuğat wäkile Scott McClellan belderde. Ämma Waşington iminlek mäs'älälären dä añlıy, dide ul. 30 yün könne Ğiraqtağı waqıtlı xakimiätne üz qulına alaçaq Allawi kiçä, saylawlar iñ soñ mart ayında ütä alır, dip belderde.
Ämma bügen – anıñ bu süzlärenä yalğış añlatma birelgän , dip Allawi – Ğiraqta saylawlar aldan bilgelängän waqıtta uzaçaq, dide.
