Äfğanstannıñ könbatışında urnaşqan Farah wilayätendä 7 politsiä xezmätkäre üterelgän. Bu turıda bügen Äfğanstannıñ Eçke eşlär ministrlığı xäbär itte. Xäbärdä äytelgänçä, bu yä taliban suğışçıları, yä narkotik satuçılar eşe bulırğa mömkin. Könyatağı Zabul wilayäte başlığı äytüençä, kiçä amerikan xärbiläre, Poti şähäreneñ mäçetenä kerep sıyınğan Taliplar belän atışqan: 5-sen ütergän, 4-sen qulğa alğan. Amerikan räsmiläre bäreleş turında xäbär itmäde, ämmä könyaqta ike suğışçınıñ qulğa alınuın belderde.
