Accessibility links

Кайнар хәбәр

Udmurtiäneñ Votkinsk şähärendäge mäçet 210 yıllığın bilgeläp ütärgä äzerlänä


Udmurtiä şähärläre, awıllarında soñğı ike yılda ğına berniçä mäçet tözelep, möselmannarnı qabul itä başladı. Bu yunäleştä eşne «İxlas» xäyriä fondı citäkçese Kayumov Näğim Bayan ulı küz uñında tota. Näğim Bayan ulı Kayumov äytüençä, ğibädät yortların tözergä möselmannar üzläre yärdäm itä. Şul uq waqıtta törle oyışma—predpriätielär citäkçeläre dä, bigräk tä tatarlar, şuşındıy tözeleşlärgä üzläreneñ öleşen kertergä tırışa. İjaw şähäre üzägendä ütkän yılda nigez salınğan yaña mäçetneñ tözeleşen däwam itü öçen äle şuşı könnärdä genä törle predpriätie başlıqların cıyıp, bu xaqta tağın kinäşläşep aldılar. Citäkçelär mäçet tözeleşenä yärdämnären ışandırdı. Kem aqçalata, kem tözeleşkä kiräkle materiallar belän. Äye, bu mäçetlär tözeleşe turında süz alıp barıla ğına äle, ä menä Udmurtiäneñ Votkinsk qalasındağı mäçet ähelläre ğibädät binası tözelüeneñ 210 yıllığın bilgeläp ütärgä cıyınalar. Bu uñaydan Votkinsk şähäre mäçete imam xatıybı Möxämmätnur Aşrapov, mäçet işekläre härwaqıt açıq, di. Şähärneñ citäkçeläre belän dä bik tığız elemtädä toralar, äle şuşı könnärdä genä iğtibarğa layıqlı ber waqiğa bulğan, ul citäkçelärneñ dingä uñay qaraşın bilgeli. Mäxämmätnur Aşrapov äytüençä, mäçet cäy könendä dä eşen tuqtatmağan, anda uqular däwam itelä, şulay uq möselmannar öçen xäläl rizıq satu eşe dä alıp barıla. Ä xäzer mäçettä qaynar könnär — 11 iyüldä mäçetneñ 210 yıllığın bilgeläp ütärgä äzerlek alıp baralar.

Xämidä Ğayfullina, Udmurtiä
XS
SM
MD
LG