Accessibility links

Кайнар хәбәр

Saddam Xösäyen üzenä belderelgän ğäyepläwlärne kire qaqtı


Ğiraqnıñ bärep töşerelgän prezidentı Saddam Xösäyen bügen berençe tapqır mäxkämä aldına bastı, läkin ğäyepläw qäğäzän imzalawdan baş tarttı. Televidenie kürsätkän sürätlärdä Saddam yabıqqan, arığan, basınqı qiäfättä kürende. Üzenä belderelgän 7 ğäyepläwne ul kire qaqtı, mäxkämäne - "teatr", amerikan prezidentı George Bushnı çın cinäyätçe dip atadı. 1990 yılda Küwäytkä basıp kerügä kilgändä, ul bu ilne Ğiraq cire dip atadı. Saddamğa nindi ğäyepläwlär belderelgäne älegä tögäl mäglüm tügel. Ğiraqnıñ waqıtlı Tışqı eşlär ministrı urınbasarı Xämid Äl-Bayati süzlärençä, alar arasında keşeçelekkä qarçı cinäyätlär, suğış cinäyätläre, genotsid.

Audio (Xämid Äl-Bayati)

"Minemçä Ğiraqlılar ülem xökemennän dä azraqqa riza bulmayaçaq."

Saddam Xösäyen häm anıñ 11 yaqın tarafdarı kiçä Ğiraqnıñ waqıtlı xökümätenä tapşırılğan ide. Bu 11 keşegä dä räsmi ğäyepläwlär belderelde.
XS
SM
MD
LG