Accessibility links

Кайнар хәбәр

Çit il bankları Yukostan burıçların tüläp beterüne taläp itmi


10 xalıqara bank Rusiäneñ neft şirkäte Yukosqa 1 milliard dollarlıq kreditın tüläp beterü öçen basım yasamayaçaq. Fransiäneñ Societe General bankınıñ matbuğat wäkile, comğa könne Yukosnıñ defoltta buluı turında xäbärlär bulsa da – Rusiä şirkätennän burıçların xäzer ük tüläp beterü taläp itelmi, dide. Yukosqa kredit birgän başqa çit il bankları arasında Citibank, Deutsche Bank häm Credit Agricole kebek ere banklar bar. Yukosnıñ matbuğat wäkile Alexandr Şadrin: "Defoltnıñ iñ berençe säbäbe – Mäskäw arbitraj mäxkämäseneñ şirkät 2000nçe yıl öçen 99.4 milliard sum tülärgä tieş digän qararı, monnan tış salım ministrlığınıñ 2001nçe yıl öçen beldergän 98 milliard rubl külämendäge xisabı. Şulay uq, şirkätneñ milke tuñdırılğan buluı säbäple, ul anı irekle bazarda satıp kredit birüçelärgä burıçların tüli almıy", dide Yukosnıñ matbuğat wäkile Şadrin. İnde xäbär itelgänçä, uzğan atnanıñ pänceşämbesendä Rusiä Yustisiä ministrlığı Yukosnıñ bank xisapların tuñdırıp, burıçlarnı tüläw öçen şirkätkä 5 kön birde.
XS
SM
MD
LG