Accessibility links

Кайнар хәбәр

Haaga Mäxkämäsendä Miloşeviç protsesı kiläse atnada däwam itäçäk


Eleke Yugoslaviä prezidentı S.Miloşeviç östennän xökem protsesı 2002nçe yılnıñ fevralendä Haagada BMOnıñ Suğış cinayätläre mäxkämäsendä başlandı. 1990-nçe yılğı Balkan suğışları belän bäyle bularaq aña genosid, keşeçelekkä qarşı cinayät häm suğış cinayätläre ğäyebe quyıla. Düşämbedä protsess Miloşeviç sälämätlegeneñ qaqşawı säbäble kiçekterelde .Sişämbedä xakimnär eleke prezident östennän mäxkämä protsesı kiläse atnada däwam itäçäk digän qarar çığardı.

Düşämbedä Slobodan Miloşeviç suğış cinayätläre mäxkämäsendä üzen yaqlaw eşen başlatıp cibärergä tieş ide. Xakimnär Yugoslaviäneñ eleke citäkçeseneñ qan basımınıñ artuı häm yöräk awırtuları şiqäyätläre säbäple prosessnı tuqtattı häm Miloşeviçnı yaqlau öçen advokat bilgelänsen dip taläp itte. Miloşeviç advokatnı älegä qädär kire qağıp kilde.Xakim Patrick Robinson (audio) mäxkämä prosesın häm prosessnıñ däwamın ğäyeplänüçeneñ sälämötlek problemaları nigezendä radikal räweştä küzdän kiçerü öçen waqıt citte dip belderde. Miloşeviçnıñ yuğarı qan basımı , salqın tiyu häm arığanlıq säbäple prosess 2 yılğa suzıldı. 62yäşlek eleke prezident Bosnia, Xorvatiä häm Kosovo suğışlarında genosid, keşeçelekkä qarşı cinayät häm suğış cinayätläre eşläwdä ğäyeplänä. Ämma ul mäxkämäne tanımıy , ğäyepläwlärnı säyäse motivlı dip äytte.Prokurorlar fevral ayında ğäyepläwlärne quyıp beterep, eşlären tämamladı. Şunnan birle Miloşeviç kompyutor, faks, telefon quyılğan, qatırğılar belän tulı törmädäge bülmäsendä üzen yaqlawğa äzerlänä.Miloşeviç kiçä sälämätlegeneñ naçarlanuın bolay dip añlattı(audio) Sälämätlegemneñ naçarlanuına äzerlänü öçen miña citärlek waqıt birmäü turındağı qarar säbäp bulıp tora. Bu açıq. Şunlıqtan miña citärlek waqıt birü sezneñ wazıyfağız dip uylıym dide. Prokurorlar düşämbedä mäxkämä Miloşeviçnıñ eşen ciñeläytü öçen advokat bilgeläsen, ul totılğan törmä üzägenä video elemtäse urnaştırılsın ,şulay itep ul prosesnı bülmäsennän qarap barsın dip belderde. Miloşeviç barlıq bu täqdimnärne kire qaqtı. Xakim Patrik Robinsonnıñ radikal küzdän kiçerü digän süzläre, prosessnı alıp baru öçen qatıraq yul saylansın dip täfsillände. Belgeçlär xakimnär öçen ber ike saylaw ğına bar di.Mäxkämäne qarap baruçı xoquq belgeçe Heikelina Verrin Stuart süzlärençä , Miloşeviçqa advokat bilgeläw mäxkämä öçen bik qıyın bulaçaq (audio) advokat bilgeläw berdänber çara, ämma bu bik zur problema bulaçaq , Miloşeviç küp märtäbälär anıñ belän xezmättäşlek itmiäçägen qabatladı.Anglo-Saxon xoquq sistemasında advokat ğäyeplänüçedän kürsätmälär alırğa tieş. ägär bu bulmasa,anıñ qulları bäylängän bulaçaq, ,anı yaqlıy almayaçaq.Praktik yaqtan qarağanda bu xäl çarası tügel , bu xakimnärneñ tırışıp qarayaçaq sonğı eş. V. Stuart ägär dä Miloşewiçnın xäle naçarlansa , xökem prosesı tuqtatılır häm bälkim dä ul törmädän çığarılır di(audio) Ägär dä Dönyağa Haagada ğädel prosess ütä dip kürsätergä teläsän, sälämätlege qaqşağan keşe mäxkämä aldına çığarılmıy., Cämäğätçelek moña tiskäre reaksiä kürsätsä dä, Eleke Yugoslaviä , qorbannar , bik küp waqıt, energiä salğan keşelär öçen bu naçar xabär bulsa da,xakimnärneñ tuqtarğa tieşle mizgel bulırğa tieş, çönki däwam itü ğädel bulmas ide dip belderde xoquq belgeçe Stuart Miloşeviç östennän barğan xökem prosesınıñ ğädel buluın garantiälärgä tieşle advokat Steven Kay ğäyeplänüçeneñ sälämätlege yaxşılanmasa, prosesnı bälkim tä bötenläy tuqtatırğa kiräk bulaçaq dip äytte .

färidä xämit,praga
XS
SM
MD
LG