Accessibility links

Кайнар хәбәр

Yewropada İminlek wä Xezmättäşlek Oyışması Üzäk Aziädä militsiäne künegüdän ütkärü öçen aqça ezli


Üzäk Aziä illäre politsiä köçläre täsirsez, rişwätçelekkä birelgän häm şaqtıy bäğersez möğämäle kürsätüe belän tanılğan.Yevropada İminlek wä Xezmättäşlek Oyışması äytep kitkän şul xällärne üzgärtergä tırışa. Venada urnaşqan oyışma Üzäk Aziä militsiäsenä cinayätkä qarşı köräş, zur demonstratsiälärne kontrol itü häm sivil xalıq belän yaxşı mönäsäbätlärdä toru texnikasın öyrätä.

2002nçe yılnıñ mart ayında Qırğızıstannıñ könyaq töbäge Aksıda xalıqnıñ cirle räsmine yaqlap ütkärgän zur demonstratsiälärne politsiäneñ köç qullanıp taratuı , ike könde 5 protest belderüçeneñ üterelüe , iqtibarnı ilneñ militsiäse häm anıñ bäğersez metodlarına cälep itte.Qırğızıstannıñ eçke eşlär ministırı Temibek Aqmataliev ul çaqta militsiäneñ yäş gazı yäki rezin uqları bulmağanlıqtan ul çın uqlar qullanırğa mäcbür buldı militsiä aşığıç räweştä reformalanırğa tieş digän taläplärgä säbäp buldı.Çınbarlıqta militsiäneñ köndälek eşçänlege dä nigezle räweştä üzgärtelergä tieş. Qırğızıstan bulsın üzäk Aziäneñ başqa urınnarında bulsın militsiä äle dä şiqäyätlärne 20yıllıq yazu maşinalarında yaza. Kompyutorlar äle dä yuq, üzäkläşterlgän mäğlümät sisteme häm cinayätlärne çağıştıru mömkinçelekläre yuq. Yevropa Oyışmasınıñ baş politsiä kiñäşçese Richard Monk Üzäk Aziä illäre şulayuq Gruziä , Makedonya häm başqa urınnarda politsiäne künegülärdän ütkärü eşenä aktiv qatnaşa. Monk bolay dip äytä(audio) Ozın möddätne küzdä totırğa häm nigezle reformalar turında uylarğa kiräk.Mäsälä monda sezgä kompyutorlar häm kübräk mäxkämä meditsinası öçen cihazlar biräbez dip äytü genä tügel . Alarğa urındıq ,östäl , kitaplar öyränü materialları kiräk. Monk öyrätü, künegü programmaları yaxşı barmı , çönki xalıqara oyışmalar häm Yevropa oyışmasına äğza 55 il xökümäte ozın möddätle finanslaw eşenä kereşergä telämi. Urındıq öställär başlanğıç qına . Monk süzlärençä, Yevropada İminlek wä Xezmätäşlek Oyışması Üzäk Aziä militsiäsen töbäktäge ciddi cinayätlär,misal öçen narkotika kontrabandası häm keşe belän säwdägä qarşı modern texnika belän köräşüne öyrätä. Oyışma ayruca cirle militsiägä töbäktäge xalıqnıñ ışanıçın qazanu häm xemättäşlek itüe öçen bulışlıq kürsätä. Bu älbättä ciñel eş tügel, çönki xoquq saqlaw xezmätkärlärenä qarata un yıllarça elek urnaşqan qurqu häm ışanıçsızlıq xisläre köçle . Monk şiklä keşe cinayätne eşlämägän bulsa da aña cinayätne eşlädem dip iqrar itterü monda küptänge praktika di. Monk London politsiäse Scotland Yardta ozaq yıllar eşlägän. Ul ber keşe xökem itelä ikän dimäk bu politsiäneñ yaxşı eşçänlege häm mäxkämä meditsinası dälillärenä nigezlängän dip xalıq ışanırğa tieş, ä köç qullanıp iqrar itterü tügel. Richard Monk äytüenä kürä(audio) Ägär dä yustitsiä sistemasında yaxşı mäxkämä meditsinası dälilläre xisabına iqrar itterügä prioritet birelä ikän ul çaqta sin profesional politsiä xezmäte urınına här bäyägä iqrar, ğäyebne tanu öçen genä politsiäne çaqırasın digän süz bula Yevropada İminlek wä Xezmätäşlek oyışması Qırğıstan häm Üzäk Aziäneñ başqa illärendä 2003nçe yılnıñ augustında üz proyektın başlatıp cibärde.18 aylıq programma Oyışmağa 3million 600meñ Yevroğa töşä.Monk öçen bu citärle tügel. Anıñ küzdä totqan standart öçen 3yıllıq programma häm 5million yevro sarıf itelergä tieş.Monk programma fevraldä tämamlanğannan soñ Yevropa Oyışması añı tağı 18ayğa ozaytır häm östämä aqça birer dip ömed itä. Üzäk Aziädä ayruça rişwätçelek militsiä köçlärendä kiñ cäyelgän.Monk monıñ öçen praktik çara xezmät xaqların arttıru di(audio) Militsionerlarnıñ xezmät xaqı äle dä bik az. ägär dä alarnı profesional xälgä citkerergä teläsen alarğa citärlek xezmät xaqı tülärgä kiräk. Bu illär bez mäğaşlarnı arttıra almıybız, şulayuq kiräkle cihazlarnı da alalmıybız dip äytä. Niçek itep militsioner 40dollar aylıq kerem belän üzen häm ğailäsen qarasın dip sorıy Richard Monk . Yevropada iminlek wä Xezmättäşlek oyışması tınıç demonstratsiäne taratu häm demonstratsiälär köç qullanılğan cıyınğa äylänsä alarğa nindi möğämälä kürsätergä digän mäsälädä Üzäk Aziä illärendä militsiäne öyrätä.

färidä xämit,praga
XS
SM
MD
LG